కాటమరాయుడు డిస్ట్రిబ్యూషన్ రైట్స్ దక్కించుకున్న అభిమాని అభిమానాన్ని బహిరంగంగా చాటుకునే హీరో నితిన్ ఏసియన్ మూవీస్ సంస్థతో కలిసి పంపిణీ హక్కులు సొంతం చేసుకున్న నితిన్
పవర్ స్టార్ పవన్ కళ్యాణ్ ప్రస్తుతం నటిస్తున్న కాటమరాయుడు సినిమా ఉగాది కానుకగా రిలీజ్ కానున్న సంగతి తెలిసిందే. తమిళ సినిమా వీరంకు రీమేక్గా తెరకెక్కుతున్న ఈ సినిమాలో పవన్ కళ్యాణ్ ఫ్యాక్షనిస్ట్గా కనిపించనున్నాడు. ఇప్పటికే షూటింగ్ చివరి దశకు చేరుకున్న ఈ సినిమా బిజినెస్ కూడా మొదలైపోయింది. పవన్ స్టామినాకు తగ్గట్టుగా ప్రతీ ఏరియా నుంచి భారీ ఆఫర్స్ వస్తున్నాయన్న టాక్ వినిపిస్తోంది.
మెగా హీరోలకు మంచి పట్టున్న నైజాం ఏరియాలో కాటమరాయుడు రైట్స్ కోసం గట్టిపోటి నెలకొంది. ఈ కాంపిటీషన్లో కూడా పవన్ తన అభిమానికే అవకాశమిచ్చాడు. యంగ్ హీరో నితిన్, పవన్ కళ్యాణ్ కు వీరాభిమాని అన్న సంగతి తెలిసిందే. తన సినిమాల్లోనే కాదు. పబ్లిక్ ఫంక్షన్స్లోనూ పవన్ జపం చేసే నితిన్... తాజాగా కాటమరాయుడు నైజాం డిస్ట్రిబ్యూషన్ రైట్స్ ను ఏషియన్ మూవీస్ సంస్థతో కలిసి సొంతం చేసుకున్నాడు.
కాటమరాయుడు సినిమాలో పవన్ సరసన శృతిహాసన్ హీరోయిన్ గా నటిస్తోంది. గోపాల గోపాల ఫేం డాలీ (కిశోర్ కుమార్ పార్థసాని) దర్శకత్వం వహిస్తున్న ఈ చిత్రాన్ని పవన్ మిత్రుడు శరత్ మరార్.. నార్త్ స్టార్ ఎంటర్టెయిన్ మెంట్ బ్యానర్ పై నిర్మిస్తున్నాడు. ప్రస్తుతం షూటింగ్, పోస్ట్ ప్రొడక్షన్ పనుల్లో బిజీగా ఉన్న కాటమరాయుడును ఉగాది కానుకగా మార్చి నెలాఖరున రిలీజ్ చేసేందుకు ప్లాన్ చేస్తున్నారు.
