క్రిష్ దర్శకత్వంలో తెరకెక్కుతున్న మణికర్ణిక రాణి లక్ష్మీబాయి కథతో మణికర్ణిక ఇదే కథతో సినిమా చేస్తానని గతంలోనే కంగన అంగీకరించిందంటున్న కేతన్ మెహతా
గౌతమి పుత్ర శాతకర్ణి' ఘన విజయం తరువాత, క్రిష్ మరో చారిత్రక చిత్రానికి శ్రీకారం చుట్టాడు. 'ఝాన్సీ లక్ష్మీబాయి' జీవిత చరిత్రను తెరకెక్కించడానికి ఆయన రంగాన్ని సిద్ధం చేసుకున్నాడు. 'ఝాన్సీ లక్ష్మీబాయి' అసలు పేరు 'మణికర్ణిక' కావడం వలన, ఈ సినిమాకి ఈ టైటిల్ ను ఖరారు చేసుకున్నాడు.
కంగనా రనౌత్ టైటిల్ రోల్ పోషించడానికి రంగంలోకి దిగింది. ఈ సినిమా టైటిల్ లోగో బయటికి వచ్చిన తరువాత వివాదం చెలరేగింది. తాను 2015లోనే 'రాణి ఆఫ్ ఝాన్సీ' కథను గురించి కంగనాతో మాట్లాడాననీ, అప్పుడు ఆమె ఈ సినిమా చేయడానికి అంగీకారాన్ని తెలిపిందని దర్శకుడు కేతన్ మెహతా అన్నారు. ఇప్పుడు అదే కథలో మరో దర్శకుడితో కలిసి పనిచేయడానికి కంగనా రెడీ అవుతోందంటూ ఆయన నోటీసులు పంపించారు. ఈ వివాదం ఎలాంటి పరిణామాలకి దారితీస్తుందో.
Add Asianetnews Telugu as a Preferred Source
