తేజు నేను కలిసి మల్టీస్టారర్ చేస్తున్నాం.. స్టోరీ రెడీ : కళ్యాణ్ రామ్
- నందమూరి కుటుంబం...మెగా ఫ్యామిలీ నుంచి ఒక హీరో.. కలిసి సినిమా చేస్తే.. ఇక అవి రికర్డులు మోతే అనాలి
- ఇప్పటికే ఎన్టీఆర్ - రాంచరణ్ కలిసి ఓ మల్టీస్టారర్ కి బీజం వేశారు
నందమూరి కుటుంబం...మెగా ఫ్యామిలీ నుంచి ఒక హీరో.. కలిసి సినిమా చేస్తే.. ఇక అవి రికర్డులు మోతే అనాలి . వసూళ్ల వరద పారాల్సిందే. ఇప్పటికే ఎన్టీఆర్ - రాంచరణ్ కలిసి ఓ మల్టీస్టారర్ కి బీజం వేశారు. ఇలాంటిదే మరో ప్రాజెక్టు గురించి కూడా చాలానే వార్తలు వచ్చాయి.
ఏఎస్ రవికుమార్ చౌదరి దర్శకత్వంలో నందమూరి కళ్యాణ్ రామ్.. సాయి ధరమ్ తేజ్ లు కలిసి ఓ సినిమా చేస్తారంటూ ప్రచారం జరిగింది. ఇలా కలిసి నటించేందుకు వీరిద్దరూ సంసిద్ధత వ్యక్తం చేసినా.. స్క్రిప్ట్ నచ్చకపోవడంతో అది సాకారం కాలేదు. ఇప్పుడు మరో దర్శకుడు ఈ డ్రీమ్ సాకారం చేయనున్నాడట. ఈ విషయాన్ని నందమూరి కళ్యాణ్ రామ్ స్వయంగా చెప్పుకొచ్చాడు. తేజుతో సినిమా చేసేందుకు ఉత్సాహంగానే ఉన్నా స్క్రిప్ట్ సహకరించలేదన్న కళ్యాణ్ రామ్.. ఇప్పుడు మరో మల్టీ స్టారర్ ప్రారంభమయ్యే అవకాశం ఉందని.. అందులో తాను ఓ హీరో అనే విషయాన్ని చెప్పేశాడు.
పవన్ సాదినేని దర్శకత్వంలో ఓ ప్రాజెక్టుకు నందమూరి కళ్యాణ్ రామ్ ఓకే చెప్పాడని తెలుస్తోంది. ఇందులో ఇద్దరు హీరోలు నటించనుండగా.. మరో హీరో పాత్రను ఓ క్రేజీ యంగ్ హీరో చేయనున్నాడట. ఆ రోల్ లో ఎవరు నటిస్తారనే అంశాన్ని.. మల్టీస్టారర్ కు దర్శకుడి పేరుపై కానీ కళ్యాణ్ రామ్ క్లారిటీ ఇవ్వలేదు. అయితే.. ఇది కచ్చితంగా మెగా నందమూరి మల్టీస్టారర్ అనే టాక్ వినిపిస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
