చలాకీ చంటికి తృటిలో తప్పిన ప్రమాదం

ధ్వంసమైన కారు

జబర్ధస్త్ కామెడీ షోతో పాపులారిటీ సంపాదించుకున్న నటుడు చలాకీ చంటి. ప్రస్తుతం ఆయన పలు టీవీ షోలోకు వ్యాఖ్యాతగా వ్యవహరిస్తున్నారు. మంగళవారం ఉదయం ఆయన కారుకు ప్రమాదం జరిగింది. ఈ ప్రమాదంలో చంటి తృటిలో తప్పించుకున్నారు.

మహబూబ్‌నగర్ జిల్లా బాలానగర్ మండల కేంద్రం 44వ జాతీయరహదారిపై ఆయన ప్రయాణిస్తున్న కారును వెనుక నుంచి మరో కారు బలంగా ఢీకొట్టింది. ఈ ప్రమాదంలో రెండు కార్లు ధ్వంసమయ్యాయి. కాగా ఈ ప్రమాదం నుంచి చంటి సురక్షితంగా బయటపడ్డాడు. విషయం తెలిసిన పోలీసులు అక్కడకు చేరుకుని కేసు నమోదు చేశారు. పూర్తి వివరాలు తెలియాల్సి ఉంది.