Asianet News TeluguAsianet News Telugu

తొలి రోజు కలెక్షన్స్ లో రాజశేఖర్ గరుడవేగ వేగం

  • పదేళ్ల తర్వాత సక్సెస్ చూసిన రాజశేఖర్
  • హీరోగా అవకాశాలు సన్నగిల్లిన సమయంలో ప్రవీణ్ సత్తారు సినిమా
  • రాజశేఖర్ కు భారీ సక్సెస్ అందించిన ప్రవీణ్ సత్తారు
  • కలెక్షన్స్ పరంగానూ దూసుకెళ్తున్న గరుడవేగ
GARUDAVEEGA COLLECTIONS RECORD ON FIRST DAY

సీనియర్ హీరో రాజశేఖర్, దర్శకుడు ప్రవీణ్ సత్తారు కాంబినేషన్ లో వచ్చిన భారీ బడ్జెట్ యాక్షన్ ఎంటర్‌టైన‌ర్ “పి.ఎస్.వి గరుడ వేగ 125.18” శుక్రవారం థియేటర్స్‌లో విడుదలై కలెక్షన్స్ వర్షం కురిపిస్తోంది. రాజశేఖర్ కెరియర్‌లో బిగ్గెస్ట్ బడ్జెట్‌తో తెరకెక్కిన ఈమూవీకి తొలి ఆట నుండి పాజిటివ్ టాక్ రావడంతో బాక్సాఫీస్ వద్ద దుమ్ము దులుపుతోంది. ‘గరుడవేగ’టీజర్, ట్రైలర్‌లు ప్రేక్షకులను విపరీతంగా ఆకట్టుకోవడంతో పాటు మూవీ ప్రమోషన్స్ ఇంతకు ముందెన్నడూ లేని విధంగా నిర్వహించడంతో ‘గరుడవేగ’పై ప్రేక్షకుల్లో హైప్ క్రియేట్ అయ్యింది. దీనికి తోడు వీకెండ్ కావడం పెద్ద చిత్రాలు థియేటర్స్‌లో లేకపోవడంతో గరుడవేగ థియేటర్స్‌కు ప్రేక్షకులు బారులు తీరారు. దీంతో తొలిరోజు గరుడవేగ చిత్రానికి రికార్డ్ కలెక్షన్స్ వచ్చాయి.
 

సుమారు 25 కోట్ల భారీ బడ్జెట్‌తో తెరకెక్కించిన ఈ మూవీని రాజశేఖర్ గత చిత్రాల మాదిరిగా కాకుండా భారీగా విడుదల చేశారు. రెండు తెలుగు రాష్ట్రాల్లోనూ కలిపి 230 సెంటర్లలలో విడుదలైన గరుడ వేగ మూవీ తొలి రోజు రూ. 2.30 కోట్ల గ్రాస్ కలెక్షన్స్ సాధించిందని ట్రేడ్ వర్గాలు లెక్కలు కట్టాయి. అయితే రెండో రోజు కలెక్షన్స్ మరింత ఊపందుకునే అవకాశాలు ఉన్నాయని మార్కెట్ పండితులు అంచనా వేస్తున్నారు. దీనికి తోడు ఈ మూవీకి ప్రేక్షకాదరణ లభిస్తుండటంతో మరిన్ని థియేటర్స్‌ను యాడ్ చేసే ఆలోచన ఉన్నారు డిస్టిబ్యూటర్స్ తద్వారా కలెక్షన్స్‌లో ‘గరుడవేగ’ మరింత వేగాన్ని పుంజుకోనుంది.

Follow Us:
Download App:
  • android
  • ios