అనుష్క నెక్ట్స్ తెలుగు సినిమా టైటిల్ ఫిక్స్.. ఓటీటీ కూడా ఫైనల్..
తెలుగు తెర స్వీటి అనుష్క.. మళ్లీ సినిమాల స్పీడ్ పెంచుతుంది. ఇప్పుడు మరో తెలుగు సినిమాని ప్రకటించింది. ఓ క్రేజీ టైటిల్తో ఆమె రాబోతుంది.
అనుష్క శెట్టి గతేడాది `మిస్ శెట్టి మిస్టర్ పొలిశెట్టి` చిత్రంతో ఆకట్టుకుంది. నవీన్ పొలిశెట్టితో కలిసి నటించి అలరించింది. ఈక్రేజీ ఫన్, రొమాంటిక్ ఎంటర్టైనర్ ఆడియెన్స్ ని ఆకట్టుకోవడంలో సక్సెస్ అయ్యింది. ఆ తర్వాత మళ్లీ కొంత గ్యాప్ తీసుకున్న అనుష్క ఇప్పుడు కొత్త సినిమాని ప్రకటించింది. క్రిష్ దర్శకత్వంలో ఆమె ఓ సినిమాకి గ్రీన్ సిగ్నల్ ఇచ్చింది. తాజాగా ఈ మూవీ టైటిల్ని ప్రకటించారు. `ఘాతి`(Ghaati) అనే పేరుని ఖరారు చేశారు.
Polling: వచ్చే పార్లమెంట్ ఎన్నికల్లో ఏ పార్టీ గెలుస్తుందని భావిస్తున్నారు. మీ అభిప్రాయం తెలపండి?
గతంలో `శీలవతి` అనే పేరు వినిపించింది. కానీ ఎవరూ ఊహించని టైటిల్ని వెల్లడించడం విశేషం. పాన్ ఇండియా మూవీగా దీన్ని తెరకెక్కిస్తున్నారు దర్శకుడు క్రిష్. తాజాగా ఈ మూవీ ఓటీటీ ఫైనల్ అయ్యింది. అమెజాన్ ప్రైమ్ ఈ మూవీ ఓటీటీ హక్కులను సొంతం చేసుకుంది. సినిమా విడుదల తర్వాత ఇది అమెజాన్లో రాబోతున్నట్టు వెల్లడించారు. అమెజాన్ సంస్థ నేడు తమ సంస్థలో రాబోతున్న సినిమాలను ప్రకటించింది. అందులో `ఘాతి` ఉండటం విశేషం.
ఇక లేడీ ఓరియెంటెడ్ కథతో ఈ చిత్రాన్ని తెరకెక్కిస్తున్నారు. ఓ సమస్యలో ఇరుక్కున్న మహిళా వ్యాపారవేత్త దాన్నుంచి ఎలా బయటపడింది, అందుకు ఎలాంటి స్ట్రగుల్ ఫేస్ చేసింది అనే కథతో ఈ మూవీని తెరకెక్కిస్తున్నారట. అనుష్క ఇప్పుడు మరో మహిళా ప్రాధాన్యత కలిగిన సరికొత్త స్క్రిప్ట్ తో రాబోతుంది. ఈ మూవీని యూవీ క్రియేషన్స్ నిర్మిస్తుంది. గతంలో అనుష్క, క్రిష్ కాంబినేషన్లో `వేదం` చిత్రం వచ్చింది. ఇందులో వేశ్యగా నటించింది అనుష్క. ఇప్పుడు వ్యాపారవేత్తగా కనిపించబోతుండటం విశేషం. దీనికి కీరవాణి సంగీతం అందిస్తున్నారు.
ఈ మూవీ షూటింగ్ ఆంధ్ర,ఓడిశా బార్డర్లో ఎక్కువగా సాగుతుందట. సినిమా ఉత్తరాంధ్ర బ్యాక్డ్రాప్లో సాగుతుందని, అందుకే అక్కడ చిత్రీకరిస్తున్నట్టు తెలుస్తుంది. అనుష్క అధిక బరువు సమస్యతో బాధపడింది. కానీ దాన్నుంచి ఆమె బయటపడుతున్నట్టు తెలుస్తుంది. ఇటీవలే `కథనార్` అనే మలయాళ మూవీని ప్రకటించింది. ఇప్పుడు తెలుగు సినిమా టైటిల్ ప్రకటన కూడా రావడం విశేషం. ఇక మళ్లీ ఆమె స్పీడ్ పెంచుతోందని చెప్పొచ్చు.
Read more: `కంగువా` టీజర్ విజువల్ వండర్.. సూర్య, బాబీ డియోల్ల విశ్వరూపం..
Also read: నరేష్ నాలుగు పెళ్లిళ్లపై నవీన్ విజయ్ కృష్ణ రియాక్షన్ ఇదే.. వామ్మో తండ్రిని మించిన కొడుకు