PBKS vs DC Highlights, IPL 2024 : ఐపీఎల్ 2024 రెండో మ్యాచ్ లో పంజాబ్ కింగ్స్ వర్సెస్ ఢిల్లీ క్యాపిటల్స్ తలపడ్డాయి. పంజాబ్ బ్యాటింగ్, బౌలింగ్ లో రాణించి ఈ సీజన్ లో తొలి విజయాన్ని అందుకుంది. శామ్ కరణ్, లియామ్ లివింగ్స్టన్ కాంబో పంజాబ్ను విజయతీరాలకు చేర్చింది
PBKS vs DC, IPL 2024: మొహాలీలోని ముల్లన్పూర్ కొత్త స్టేడియంలో పంజాబ్ కింగ్స్-ఢిల్లీ క్యాపిటల్స్ మధ్య ఐపీఎల్ 2024 2వ మ్యాచ్ జరిగింది. ఇందులో పంజాబ్ కింగ్స్ కెప్టెన్ శిఖర్ ధావన్ టాస్ గెలిచి బౌలింగ్ ఎంచుకున్నాడు. మొదట బ్యాటింగ్ చేసిన ఢిల్లీ క్యాపిటల్స్ జట్టులో షాయ్ హోప్ మాత్రమే 33 పరుగులు చేశాడు. చివర్లో వచ్చిన ఇంపాక్ట్ ప్లేయర్ అభిషేక్ జురెల్ చివరి ఓవర్లో ధనాధన్ ఇన్నింగ్స్ తో 4, 6, 4, 4, 6, 1 బాది 25 పరుగులు చేయడంతో ఢిల్లీ క్యాపిటల్స్ 174 పరుగులు చేసింది.
ఆ తర్వాత 175 పరుగుల లక్ష్యంతో పంజాబ్ కింగ్స్ బ్యాటింగ్ కు దిగింది. ఇందులో శిఖర్ ధావన్ దూకుడుగా ఆడి 22 పరుగులు చేశాడు. జానీ బెయిర్స్టో 9 పరుగుల వద్ద రనౌట్ అయ్యాడు. ఇంపాక్ట్ ప్లేయర్గా వచ్చిన ప్రబ్సిమ్రన్ సింగ్ 26 పరుగులు జోడించి ఔటయ్యాడు. వికెట్ కీపర్ జితేష్ శర్మ 9 పరుగుల వద్ద ఔటయ్యాడు. చివర్లో, సామ్ కరన్, లియామ్ లివింగ్స్టన్ ఇద్దరూ కలిసి పంజాబ్ కు విజయాన్ని అందించారు. శామ్ కరన్ 47 బంతుల్లో 6 ఫోర్లు, ఒక సిక్సర్తో 63 పరుగులు చేశాడు. ఈ సీజన్లో అర్ధశతకం సాధించిన తొలి ఆటగాడిగా రికార్డు సృష్టించాడు.
KKR VS SRH HIGHLIGHTS : హెన్రిచ్ క్లాసెన్ సూపర్ షో.. కేకేఆర్ కు వణుకు పుట్టించిన హైదరాబాద్
పంజాబ్ కింగ్స్కు చివరి ఓవర్లో 6 పరుగులు కావాల్సి ఉండగా, సుమిత్ కుమార్ బౌలింగ్లో తొలి 2 బంతులు వైడ్గా ఆడాడు. తర్వాతి బంతికి లియామ్ లివింగ్ స్టన్ సిక్సర్ బాదడంతో పంజాబ్ కింగ్స్ 19.2 ఓవర్లలో 6 వికెట్ల నష్టానికి 177 పరుగులు చేసి 4 వికెట్ల తేడాతో విజయం సాధించింది. ఈ విజయంతో 2017 నుంచి ఐపీఎల్ సిరీస్లో తొలి మ్యాచ్లో వరుసగా విజయం సాధించింది. 2020లో మ్యాచ్ టై అయినప్పుడే పంజాబ్ కింగ్స్ సూపర్ ఓవర్లో ఓడిపోవడం గమనార్హం.
PBKS vs DC : 4, 6, 4, 4, 6, 1.. హర్షల్ పటేల్ బౌలింగ్ ను దంచికొట్టిన అభిషేక్ పోరెల్..
