Asianet News TeluguAsianet News Telugu

దాని కోసం ఏమైనా చేస్తావ్: కనేరియాపై నిప్పులు చెరిగిన మియాందాద్

హిందువును కావడం వల్ల పాకిస్తాన్ జట్టులో తాను వివక్షను ఎదుర్కున్నానని చెప్పిన డానిష్ కనేరియాపై జావెద్ మియాందాద్ నిప్పులు చెరిగారు. కనేరియా పాకిస్తాన్ పరువును తీసిన క్రికెటర్ అని ఆయన వ్యాఖ్యానించారు.

Pakistan former cricketer Javed Miandad retaliates Danish Kaneria
Author
Karachi, First Published Dec 28, 2019, 5:12 PM IST

కరాచీ: తాను అంతర్జాతీయ క్రికెట్  ఆడినప్పుడు పాకిస్తాన్ జట్టులో వివక్షను ఎదుర్కున్న మాట వాస్తవమేనని చెప్పిన డానిష్ కనేరియాపై పాకిస్తాన్ మాజీ క్రికెటర్ జావెద్ మియాందాద్ నిప్పులు చెరిగారు. అతను ఓ నీతి లేని క్రికెటర్ అని ఆయన వ్యాఖ్యానించారు. 

ఇప్పుడు ఏం సాధించడానికి ఆ వ్యాఖ్యలు చేశారని ఆయన ప్రశ్నించారు. డబ్బుల కోసమే కనేరియా ఆ పనిచేసి ఉంటాడని ఆయన మండిపడ్డారు. డబ్బుల కోసం కనేరియా ఏదైనా చేస్తాడని వ్యాఖ్యానించారు. ఎప్పుడో ముగిసిన సంఘటనను ఇప్పుడు ఎందుకు తెర మీదికి తెచ్చారో తనకు అర్థం కావడం లేదని ఆయన అన్నారు.

Also Read: మేం అజర్ ను కెప్టెన్ చేశాం, పాక్ రియల్ ఫేస్: కనేరియా ఇష్యుపై గంభీర్

"కనేరియా... నువ్వు డబ్బు కోసం ఏమైనా చేస్తావు. నువ్వు విలువలు లేని క్రికెటర్ వి. క్రికెట్ లో ఫిక్సింగ్ కు పాల్పడిన ఓ క్రికెటర్ మాటలు ప్రజలు ఎలా నమ్ముతారో తనకు అర్థం కావడం లేద"ని ఆయన అన్నారు. కనేరియా దేశం పరువును తీశాడని మండిపడ్డారు. 

తాను 2000 సంవత్సరానికి ముందు పాకిస్తాన్ జట్టుకు హెడ్ కోచ్ గా ఉన్నానని, అప్పుడు కనేరియా జట్టులోనే ఉన్నాడని, ఆ సమయంలో కనేరియాను అవమానించిన ఏ ఒక్క సంఘటనను కూడా తాను చూడలేదని ఆయన అన్నారు. హిందువు అనే వివక్షను కనేరియా పట్ల ప్రదర్శించలేదని స్పష్టంచేశారు. 

Also Read: పాక్ నా జన్మభూమి, అందుకు గర్విస్తున్నా: వివక్షపై కనేరియా

తనను అవమానపరిస్తే పదేళ్ల పాటు పాకిస్తాన్ క్రికెట్ జట్టులో ఎలా కొనసాగాడో తెలియడం లేదని, పాకిస్తాన్ కనేరియాకు చాలా గౌరవం ఇచ్చిందని మియాందాద్ చెప్పారు. 

Follow Us:
Download App:
  • android
  • ios