Virat Kohli: మాస్ట‌ర్ బ్లాస్ట‌ర్ సచిన్ టెండూల్కర్ రికార్డులను బద్దలు కొట్టిన కోహ్లీ
Virat Kohli: ప్రపంచకప్ సెమీఫైనల్లో న్యూజిలాండ్ పై టీమిండియా గ్రాండ్ విక్ట‌రీ సాధించింది. 70 పరుగుల భారీ తేడాతో విజ‌యం సాధించి ఫైనల్ చేరుకుంది. అయితే, ఈ మ్యాచ్ తో భారత క్రీడాకారులు అనేక స‌రికొత్త రికార్డులను సృష్టించారు. కింగ్ విరాట్ కోహ్లీ మాస్ట‌ర్ బ్లాస్ట‌ర్ సచిన్ టెండూల్కర్ అత్యధిక వన్డే సెంచరీల రికార్డును బ్రేక్ చేశాడు.
ICC Cricket World Cup 2023: ఐసీసీ క్రికెట్ వరల్డ్ కప్ 2023లో భాగంగా ముంబ‌యిలోని వాంఖడే స్టేడియంలో భారత్-న్యూజిలాండ్ జట్ల మధ్య జరిగిన సెమీఫైనల్ లో అనేక రికార్డ్ లు న‌మోద‌య్యాయి. భారత ఆట‌గాళ్లు ప‌లు రికార్డులు బద్దలుకొట్టాడు. క్రికెట్ కింగ్ విరాట్ కోహ్లీ మాస్ట‌ర్ బ్లాస్ట‌ర్ సచిన్ టెండూల్కర్ రికార్డులను బద్దలు కొట్టాడు. అలాగే, వన్డే ఇంటర్నేషనల్స్‌లో విరాట్ కోహ్లీ 50వ సెంచ‌రీ చేసి.. ఈ మైలురాయిని చేరుకున్న మొదటి ఆటగాడిగా చ‌రిత్ర సృష్టించాడు. సచిన్ టెండూల్కర్ 49 సెంచరీల సుదీర్ఘ రికార్డును అధిగమించాడు. సెప్టెంబరు 1998 నుండి అత్యధిక వన్డే సెంచరీలు చేసిన రికార్డును టెండూల్కర్ కలిగి ఉన్నారు. సచిన్ అంత‌కుముందు, డెస్మండ్ హేన్స్ యొక్క అప్పటి 17 సెంచరీల రికార్డును అధిగమించాడు.
అలాగే, 2023 ప్రపంచ కప్‌లో కోహ్లి చేసిన 711 పరుగుల టోర్నమెంట్‌లో ఒకే ఎడిషన్‌లో ఒక ఆటగాడు చేసిన అత్యధిక పరుగులు. 2003లో దక్షిణాఫ్రికాలో అతను చేసిన 673 పరుగుల సుదీర్ఘ రికార్డును అధిగమించాడు. 2023 ప్రపంచ కప్‌లో కోహ్లికి ఎనిమిది 50+ స్కోర్లు ఒకే ఎడిషన్‌లో ఒక ఆటగాడు చేసిన అత్యధిక స్కోర్లు కావ‌డం గ‌మ‌నార్హం. 2003లో టెండూల్కర్, 2019లో షకీబ్ అల్ హసన్ న‌మోదుచేసిన రికార్డులను కోహ్లీ అధిగమించాడు.
స్వ‌దేశంలో కోహ్లి మొత్తం 24 సెంచరీలు సాధించాడు. ఒక దేశంలో ఒక ఆటగాడు చేసిన అత్యధికం సెంచరీలు విరాట్ వే కావ‌డం గ‌మ‌నార్హం. భారత్‌లో 20 సెంచ‌రీల‌తో టెండూల్కర్ రెండో స్థానంలో ఉన్నాడు. వీరి త‌ర్వాత దక్షిణాఫ్రికా ఆటగాడు హ‌షీమ్ ఆమ్లా, ఆస్ట్రేలియా ఆటగాడు రికీ పాంటింగ్ లు 14 సెంచ‌రీల‌తో మూడో స్థానంలో ఉన్నారు. కోహ్లీ వ‌న్డేలు ఆడిన పది దేశాల్లో మూడు అంకెల స్కోర్ సాధించాడు. డిసెంబర్ 2017-అక్టోబర్ 2018 మధ్య భారతదేశంలో వరుసగా నాలుగు ఇన్నింగ్స్‌లలో సెంచరీలు కొట్టాడు. బాబర్ ఆజం మాత్రమే ఒక దేశంలో వరుసగా ఇంతకంటే ఎక్కువ సెంచరీలు చేశాడు. అతను యూఏఈలో వరుసగా ఐదు సెంచరీలు చేశాడు. అలాగే ఏబీ డివిలియర్స్ 2010-11లో భారత్‌లో వరుసగా నాలుగు సెంచరీలు చేశాడు.
రన్ ఛేజింగ్‌లో కోహ్లీ 27 సెంచరీలు సాధించాడు. రెండో స్థానంలో ఉన్న టెండూల్కర్ కంటే పది ఎక్కువ ఉండ‌టం గ‌మ‌నార్హం. ఈ 27 సెంచ‌రీల‌లో 23 సార్లు భారత్ విజ‌యం సాధించింది. ఇందులో విరాట్ సగటు 90.40 గా న‌మోదైంది. వాంఖడేలో సెమీఫైనల్లో అతను మొదట బ్యాటింగ్ చేస్తున్నప్పుడు అతని 23వ సెంచ‌రీ. మొదట బ్యాటింగ్ చేసి ఎక్కువ సెంచరీలు సాధించిన పాంటింగ్ (22) రికార్డును అధిగమించాడు. వీరిద్ద‌రి కంటే టెండూల్కర్ మాత్రమే (32) ముందున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
