Aadhar card: ఆధార్‌ కార్డు అప్లై విధానం ఏంటి? ఎలా డౌన్‌లోడ్ చేసుకోవాలి? అడ్రస్ ఎలా మార్చుకోవాలి? అన్ని వివరాలు

ప్రస్తుతం ఆధార్‌ కార్డ్‌ వినియోగం అనివార్యంగా మారిన విషయం తెలిసిందే. సిమ్‌ కార్డు మొదలు ఫ్లైట్ టికెట్‌ వరకు ప్రతీ ఒక్క పనికీ ఆధార్‌ కార్డ్‌ కచ్చితంగా ఉండాల్సిందే. అయితే మన జీవితంలో ఒక భాగంగా మారిన ఆధార్‌ కార్డు వెనకాల ఉన్న చరిత్ర ఏంటి.? అసలు ఆధార్‌ కార్డు ఎన్ని రకాలు.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం.. 
 

What is Aadhaar card, how can apply you need to know all these details about Aadhaar card VNR

కేంద్ర ప్రభుత్వ ప్రయోజనాలు, సబ్సిడీల పంపిణీని క్రమబద్ధీకరించడంతో పాటు ఏకీకృతం చేయడానికి అభివృద్ధి చేసిందే ఆధార్‌ కార్డు. యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) భారత్‌లో ఆధార్‌ను తొలిసారి 20116లో ప్రవేశపెట్టారు. ప్రస్తుతం ఆధార్‌ కార్డు అనేది ఒక గుర్తింపు కార్డుగా మారింది. అలాగే ఆదాయపు పన్ను రిటర్న్‌లను దాఖలు చేయడానికి అవసరమైన పత్రంగా ఉపయోగిస్తున్నారు. 

ఆధార్ సమాచారాన్ని ఎలా ఉపయోగించాలి.? 

ఇది కేంద్ర ప్రభుత్వం జారీ చేసిన అధికారిక పత్రం. ఆధార్‌ కార్డుతో బ్యాంక్ ఖాతా తెరవడం, రుణాలు, ప్రభుత్వ సబ్సిడీలు, పథకాలు ప్రయోజనాలు దరఖాస్తు చేసుకోవడం కోసం వంటి ప్రయోజనాల కోసం ఉపయోగిస్తారు. ఎలాంటి ఛార్జీలు లేకుండా జనవరి 14 2025 వరకు ఆధార్‌ కార్డు దరఖాస్తు చేసుకునే అవకాశం కల్పించారు. ఇందుకోసం మీరు ప్రూఫ్‌ ఆఫ్‌ ఐడెంటిటీ, ప్రూఫ్‌ ఆఫ్‌ అడ్రస్‌ వంటి పత్రాలను సమర్పించాలి. 


ఆధార్ కార్డులో ఏ సమాచారం ఉంటుంది.? 

ఎ. పేరు

బి. పుట్టిన తేదీ/వయస్సు

C. చిరునామా

D. EID నమోదు సంఖ్య

E. బార్‌కోడ్

బయోమెట్రిక్ సమాచారం..

ఎ. ఫోటో

బి. ఐరిష్‌ స్కాన్ (రెండు కళ్లు)

సి. వేలిముద్ర (పది వేళ్లు)

ఆధార్ నమోదు కేంద్రాలు అంటే ఏమిటి? 

ఆధార్ కార్డ్ కోసం దరఖాస్తు చేసుకోవడానికి లేదా ఏదైనా ఇతర సమాచారాన్ని పొందడానికి మీరు UIDAI వెబ్‌సైట్‌ను సందర్శించవచ్చు. ఇది కాకుండా ప్రాంతీయ స్థాయి నమోదు కేంద్రాలను అందుబాటులోకి తీసుకొచ్చారు. మీకు సమీపంలోని నమోదు కేంద్రాలను ఆన్‌లైన్‌లో సెర్చ్‌ చేసి తెలుసుకోవచ్చు. ఇందుకోసం మీ రాష్ట్రంతో పాటు నగరాన్ని సెలక్ట్‌ చేసుకోవాల్సి ఉంటుంది. 

ఆన్‌లైన్‌లో ఆధార్ సమాచారాన్ని ఎలా అప్‌డేట్ చేయాలి?

మీ ప్రస్తుత ఆధార్ కార్డ్ సమాచారంలో ఏవైనా లోపాలు లేదా అప్‌డేట్‌లు ఉంటే, దాన్ని ఆన్‌లైన్‌లో మార్పులు చేర్పులు చేసుకోవచ్చు. ప్రజలు నేరుగా UIDAI వెబ్‌సైట్‌ను సందర్శించడం ద్వారా మార్పులు చేసుకోవచ్చు. బయోమెట్రిక్‌ సమాచారాన్ని కూడా మాడిఫికేషన్స్‌ చేసుకోవచ్చు. 

మీ మొబైల్ నంబర్‌ను ఆధార్ కార్డ్‌తో ఎలా లింక్ చేయాలి?

ఈపీఎఫ్‌ సహా పలు ఇతర సేవలకు ఆధార్‌-మొబైల్‌ లింక్‌ను తప్పనిసరి చేశారు. ఈ సందర్భాల్లో ఆధార్‌ లింక్‌ మొబైల్‌ నెంబర్‌కు ఓటీపీ వస్తుంది. ఆధార్‌ సేవా కేంద్రాన్ని సంప్రదిచడం ద్వారా మొబైల్‌ నెంబర్‌ను యాడ్‌ చేసుకోవచ్చు. 

ఇ-ఆధార్ అంటే ఏమిటి?

ఇ-ఆధార్ అనేది మీ ఆధార్ కార్డ్ ఎలక్ట్రానిక్ కాపీ లేదా సాఫ్ట్ కాపీగా చెప్పొచ్చు. దీనిని ఫిజికల్‌ ఆధార్‌ కార్డుకు బదులుగా ఉపయోగించుకోవచ్చు. UIDAI వెబ్‌సైట్ నుంచి ఇ-ఆధార్‌ కార్డును డౌన్‌లోడ్‌ చేసుకోవచ్చు. ఈ ఆధార్‌ కార్డు సెక్యూర్‌తో కూడన పీడీఎఫ్‌ ఫార్మట్‌లో ఉంటుంది. ఇక ఆధార్‌ కార్డులో చివరి నాలుగు అంకెలు మాత్రమే కనిపించే మాస్క్‌ ఆధార్‌కార్డును కూడా యూజర్లు డౌన్‌లోడ్‌ చేసుకోవచ్చు. 

ఎం ఆధార్ అంటే ఏమిటి?

ఆధార్‌ సేవలను స్మార్ట్‌ ఫోన్‌లో పొందేందుకు తీసుకొచ్చిందే ఈ ఎం ఆధార్‌ సేవలు. ఇది ఒక మొబైల్‌ అప్లికేషన్‌. ఇందులో ఆధార్‌ సమాచారంతా డిజిటల్‌ రూపంలో పొందుపరుస్తారు. ఈ యాప్‌లో వినియోగదారులు ఎక్కడి నుండైనా ఆపరేట్ చేయగల గరిష్టంగా 3 ప్రొఫైల్‌లను ఉపయోగించవచ్చు. బయోమెట్రిక్‌లను లాక్ చేయవచ్చు అలాగే ఆధార్ కోసం e-KYCని mAadhaar ద్వారా యాక్సెస్ చేయవచ్చు.

ఆధార్‌కు సంబంధించిన ముఖ్య సమాచారం.? 

ఆధార్ జారీ అథారిటీ- భారత విశిష్ట గుర్తింపు ప్రాధికార సంస్థ (UIDAI)

ముఖ్య వ్యక్తులు- నీలకంత్ మిశ్రా, చైర్మన్, UIDAI

అమిత్ అగర్వాల్, సీఈఓ, UIDAI

ఆధార్ కస్టమర్ కేర్ నంబర్- 1947

ఆధార్ కార్డ్ ప్రారంభించిన సంవత్సరం - సెప్టెంబర్ 2010

ఆధార్ కార్డ్  చెల్లుబాటు - జీవితకాలం

నమోదు కేంద్రాల సంఖ్య - 30,000 కంటే ఎక్కువ

నమోదుల సంఖ్య – 138 కోట్లు (సుమారు)

ఆధార్ కార్డు  ముఖ్య ఉద్దేశాలు ఏంటంటే?

1) ఆధార్ నంబర్ అనేది 12 అంకెల సంఖ్య, ఇది భారతీయులందరికీ సార్వత్రిక అధికారిక పత్రంగా పనిచేస్తుంది.

2) ఇది ప్రభుత్వ ప్రయోజనాలతో పాటు సబ్సిడీల సరైన పంపిణీని అమలు చేయడంలో సహాయపడుతుంది. అర్హులైన వారికి మాత్రమే ప్రభుత్వ పథకాలు చేరేలా చేస్తుంది. 

3) బ్యాంకు ఖాతాలు తెరవడానికి, గ్రామీణ ప్రజలకు ఆర్థిక సేవలను అందించేందుకు ఆధార్‌ ఉపయోగపడుతుంది. 

4) పన్ను చెల్లింపుదారులు పాన్ కార్డ్‌ని ఆధార్ కార్డ్‌తో లింక్ చేయాల్సి ఉంటుంది. ఇది పన్నులు దాఖలు చేసేటప్పుడు ప్రక్రియను సులభతరం చేస్తుంది.

5) మొబైల్ కనెక్షన్‌లు, ఆన్‌లైన్ బ్యాంకింగ్ సేవలు మొదలైన వాటికి కూడా ఆధార్‌ ఉండాల్సిందే. 

6) కచ్చితమైన జనాభా సమాచారాన్ని అందిస్తుంది. 

ఇది కూడా చదవండి:  మీ ఆధార్ కార్డు సేఫ్‌గానే ఉందా? డౌట్ ఉంటే ఇలా చెక్ చేయండి

భారతదేశంలో ఉన్నవారు కార్డును ఉపయోగించాలా? 

భారతదేశంలోని పౌరులు ఎవరైనా ఆధార్ కార్డు కోసం దరఖాస్తు చేసుకోవచ్చు. ప్రస్తుతం, భారత ప్రభుత్వ నిబంధనల ప్రకారం మీ ఆదాయపు పన్ను రిటర్న్‌ను దాఖలు చేయడానికి పాన్‌ను ఆధార్‌తో లింక్ చేయడం తప్పనిసరి.

మైనర్లకు ఆధార్ అవసరమా?

18 సంవత్సరాల కంటే తక్కువ వయస్సు ఉన్న భారతీయ పౌరులు కూడా ఆధార్ కోసం దరఖాస్తు చేసుకోవచ్చు. ఈ ప్రయోజనం కోసం పిల్లల తల్లిదండ్రుల గుర్తింపుతో పాటు చిరునామా రుజువుతో సహా సమాచారాన్ని అందించాలి. నవజాత శిశువులు కూడా ఆధార్ కోసం దరఖాస్తు చేసుకోవచ్చు. కానీ బయోమెట్రిక్‌లను 5 సంవత్సరాలు, 15 సంవత్సరాలలో అప్‌డేట్ చేయాలి. చెల్లుబాటు అయ్యే భారతీయ పాస్‌పోర్ట్ ఉన్న NRIలు కూడా ఆధార్ కార్డ్ కోసం దరఖాస్తు చేసుకోవచ్చు. 

ఇది కూడా చదవండి: ప్రయాణంలో మీ ఆధార్ కార్డు పోగొట్టుకున్నారా ? వెంటనే చేయవలసినది ఇదే..

ఆధార్ కార్డ్ కోసం దరఖాస్తు చేయడానికి అవసరమైన పత్రాలివే?

ఆధార్ కార్డ్ ఎన్‌రోల్‌మెంట్‌కు ముందు మీ దగ్గర కొన్ని డాక్యుమెంట్స్‌ కచ్చితంగా ఉండాలి. అవేంటో ఇప్పుడు తెలుసుకుందాం.. 

1) పాస్‌పోర్ట్‌

2) NREGA జాబ్ కార్డ్

3) కిసాన్ ఫోటో పాస్‌బుక్

4) పెన్షనర్ల ఫోటో ID కార్డ్

5) రేషన్ కార్డు

6) ECHS/CGHS ఫోటో కార్డ్

7) ఓటరు గుర్తింపు కార్డు

8) ప్రభుత్వం జారీ చేసిన ఫోటో ID కార్డ్

9) పోస్టల్ డిపార్ట్‌మెంట్ జారీ చేసిన కార్డు. 

10) పాన్ కార్డ్

చిరునామా రుజువు కోసం ఏ డాక్యుమెంట్స్‌ ఉండాలి.? 

1) బ్యాంక్ స్టేట్‌మెంట్

2) బ్యాంక్ లెటర్‌హెడ్‌పై ఫోటోతో సంతకం చేసిన లేఖ

3) ప్రభుత్వ ఫోటో ID కార్డ్, పబ్లిక్ సెక్టార్ అండర్‌టేకింగ్ నుంచి సర్వీస్ ఫోటో ID కార్డ్

4) పోస్టల్ డిపార్ట్‌మెంట్ జారీ చేసిన ఫోటోతో కూడిన అడ్రస్ కార్డ్

5) గుర్తింపు పొందిన విద్యా సంస్థ ద్వారా లెటర్‌హెడ్‌పై జారీ చేసిన ఫోటోతో కూడిన సంతకం లేఖ

6) ఆస్తి పన్ను రసీదు (ఒక సంవత్సరం కంటే ఎక్కువ కాదు)

7) గ్యాస్ కనెక్షన్ బిల్లు (మూడు నెలల కంటే పాతది కాదు)

8) బ్యాంక్‌ పాస్ బుక్

9) వాహన రిజిస్ట్రేషన్ సర్టిఫికేట్

10) రేషన్ కార్డు

11) పాస్‌పోర్ట్‌ 

వయస్సును నిరూపించడానికి ఏ పత్రాలను ఉపయోగించవచ్చు? 

1) పాస్‌పోర్ట్‌ 

2) పాన్ కార్డ్

3) ప్రభుత్వ విశ్వవిద్యాలయం/బోర్డు జారీ చేసిన మార్క్ షీట్

4) SSC సర్టిఫికేట్

5) రాష్ట్ర/కేంద్ర పెన్షన్ చెల్లింపు ఆర్డర్

6) జనన ధృవీకరణ పత్రం

7) లెటర్‌హెడ్‌పై గెజిటెడ్ ఆఫీసర్ గ్రూప్ జారీ చేసిన పుట్టిన తేదీ సర్టిఫికేట్

కుటుంబ పెద్దతో సంబంధాన్ని నిరూపించడానికి ఉపయోగించే పత్రాలు ఏమిటి? 

1) PDS కార్డ్ 

2) కేంద్ర/రాష్ట్ర ప్రభుత్వం జారీ చేసిన కుటుంబ హక్కుల పత్రం

3) MNREGA యొక్క జాబ్ కార్డ్

4) రిజిస్ట్రార్ ఆఫ్ బర్త్స్ లేదా మున్సిపల్ కార్పొరేషన్ లేదా స్థానిక ప్రభుత్వం జారీ చేసిన జనన ధృవీకరణ పత్రం

5) పాస్‌పోర్ట్‌ 

ఆధార్ కోసం ఎలా నమోదు చేసుకోవాలి?

ఏదైనా అధీకృత ఆధార్ నమోదు కేంద్రం/శాశ్వత నమోదు కేంద్రం నుంచి ఆధార్ కోసం దరఖాస్తు చేసుకోవచ్చు. UIDAI వెబ్‌సైట్‌లో ఇప్పటికే ఉన్న ఆధార్ నమోదు కేంద్రాలకు సంబంధించిన వివరాలను అందించారు. ఇవే కాకుండా దేశ వ్యాప్తంగా పలు పోస్టాఫీస్‌లతో పాటు బ్యాంకుల్లో 10,000కిపైగా నమోదు కేంద్రాలను ఏర్పాటు చేశారు. 

ఆధార్ నమోదు - ఎలా చేయాలి? 

1) ఆధార్ నమోదు కేంద్రాలను కనుగొనడానికి ఆధార్ అధికారిక వెబ్‌సైట్‌ను సందర్శించండి. 

2) ఆ తర్వాత ఫామ్‌లో అవసరమైన వివరాలను ఫిల్‌ చేయాలి. 

3) అవసరమైన పత్రాలను సమర్పించాలి. 

5) దరఖాస్తుదారుడికి సంబంధించి బయోమెట్రిక్‌ సమాచారమైన ఐరిష్‌ స్కాన్‌, ఫింగర్‌ ప్రింట్‌ వంటి వివరాలు. 

6) ఎన్‌రోల్‌మెంట్‌ రసీదు స్లిప్‌ను పొందాలి. 

7) దరఖాస్తుదారు వారి ఆధార్ కార్డును నమోదిత చిరునామాకు అందిస్తారు. 

8) ఆధార్ నమోదు అనేది ఒక ఉచిత సేవ. 

బాల ఆధార్ కోసం (చిన్నారులకు) నమోదు చేయడానికి విధానాలు ఏమిటి?

1. UIDAI వెబ్‌సైట్‌లో మీకు సమీపంలో ఉన్న ఆధార్‌ నమోదు కేంద్రాన్ని తెలుసుకోండి. 

2. పిల్లల జనన ధృవీకరణ పత్రం కాపీతో నమోదు కేంద్రానికి వెళ్లాలి. 

3. ప్రామాణీకరణ కోసం పిల్లల తల్లిదండ్రులలో ఒకరి ఆధార్ నంబర్ తప్పనిసరిగా అందించాలి. అలాగే పిల్లల ఆధార్‌ను తల్లిదండ్రుల ఆధార్‌తో అనుసంధానం చేయాలి. 

4. బాల ఆధార్ దరఖాస్తు ఫామ్‌లో బాల్ ఆధార్‌తో లింక్ చేసిన ఫోన్ నంబర్‌తో సహా సంబంధిత సమాచారం ఉండాలి. 

5. పిల్లల  ఫొటోగ్రఫ్‌ అందించాలి. పిల్లల వయస్సు 5 సంవత్సరాల కంటే తక్కువ ఉంటే బయోమెట్రిక్ సమాచారాన్ని నమోదు చేయవలసిన అవసరం లేదు.

6. ఈ దశలను పూర్తి చేసిన తర్వాత మీకు రసీదు స్లిప్‌ వస్తుంది. అనంరం మీరు అందించిన చిరునామాకు బాల్ ఆధార్ పోస్ట్ ద్వారా వస్తుంది. బాల ఆధార్ కార్డు ఎలా దరఖాస్తు చేసుకోవాలో పూర్తి కథనం కోసం ఇక్కడ క్లిక్ చేయండి. 

ఆధార్‌ను ఎలా అప్‌డేట్ చేయాలి? 

ఆధార్‌ను ఎన్‌రోల్‌మెంట్ సెంటర్ లేదా ఆన్‌లైన్ ద్వారా అప్‌డేట్ చేయవచ్చు. ఆధార్ రెండు రకాల సమాచారంలో అప్‌డేట్ చేసుకోవచ్చు. 

1. పేరు, వయస్సు, పుట్టిన తేదీ, మొబైల్ నంబర్, చిరునామా, ఫోటో మొదలైన వివరాలను అప్‌డేట్ చేసుకోవచ్చు. 

2. ఐరిష్‌, వేలిముద్ర వంటి బయోమెట్రిక్ సమాచారాన్ని అప్‌డేట్ చేయొచ్చు. 

దరఖాస్తుదారులు తమ చిరునామాను ఆన్‌లైన్‌లో అప్‌డేట్ చేసుకోవచ్చు. అయితే బయోమెట్రిక్‌తో పాటు ఇతర వివరాలను ఆధార్‌ సెంటర్‌లోనే చేసుకునే వెసులుబాటు ఉంటుంది. ఉచితం ఆధార్ అప్డేట్ ఎలా చేసుకోవాలో ఇక్కడ క్లిక్ చేసి తెలుసుకోండి. 

ఎలాంటి పత్రాలు లేకుండా ఆధార్ కోసం ఎలా దరఖాస్తు చేయాలి?

ఏదైనా సందర్భంలో, మీ వద్ద సపోర్టింగ్ డాక్యుమెంట్లు లేకపోయినా UIDAI యొక్క ఆధార్ ఎన్‌రోల్‌మెంట్ ఫారమ్ ప్రకారం మీరు ఆధార్ కోసం దరఖాస్తు చేసుకోవచ్చు. దీని కోసం రెండు వేర్వేరు పద్ధతులు ఉన్నాయి. 

కుటుంబ అధిపతి (HoF) ఆధారిత అప్లికేషన్: చెల్లుబాటు అయ్యే ఆధార్ ఉన్న కుటుంబ పెద్ద, దరఖాస్తుదారుతో అతని/ఆమె సంబంధాన్ని రుజువు చేసే పత్రాలను సమర్పించడం ద్వారా కుటుంబంలోని ఎవరి తరపున అయినా ఆధార్ కోసం దరఖాస్తు చేసుకోవచ్చు. వివరాలను సరిగ్గా ధృవీకరించిన తర్వాత దరఖాస్తుదారుని నమోదు చేస్తారు. 

అధికారి నమోదు ప్రక్రియ: దరఖాస్తుదారు వద్ద చెల్లుబాటు అయ్యే గుర్తింపు పత్రాలు లేదా చిరునామా పత్రాలు లేకపోయినా రిజిస్టర్‌తో నియమించిన అధికారి నమోదు ప్రక్రియలో సహాయం చేస్తారు. ఆధార్ నమోదు కేంద్రం ద్వారా నియమించిన అధికారి ఆధార్‌ ప్రాసెసింగ్ కోసం అందుబాటులో ఉంటారు. 

ఆన్‌లైన్‌లో ఆధార్ అప్లికేషన్ స్టేటస్‌ ఎలా చెక్‌ చేసుకోవాలి? 

1. ఇందుకోసం ముందుగా UIDAI అధికారిక వెబ్‌సైట్‌లోకి వెళ్లాలి. 

2. అనంతరం అవసరమైన వివరాలను అందించి లాగిన్‌ కావాలి. 

3. 'మై ఆధార్' విభాగంలో 'చెక్ ఆధార్ స్టేటస్'పై క్లిక్ చేయాలి. 

4. నమోదు సంఖ్య, నమోదు సమయాన్ని ఎంటర్‌ చేయాలి. 

5. చివరికిగా క్యాప్చా కోడ్‌ను నమోదు  ఎంటర్‌ చేసి 'చెక్‌ స్టేటస్‌'పై క్లిక్‌ చేయాలి. 

ఆధార్ కార్డ్ డౌన్‌లోడ్/ప్రింట్ ఎలా?

యుఐడిఎఐ వెబ్‌సైట్ నుంచి ఇ-ఆధార్‌ను పీడీఎఫ్‌ ఫార్మాట్‌లో డౌన్‌లోడ్ చేసుకోవచ్చు. దీనికి ఆధార్ నంబర్, వర్చువల్ ఐడీ (వీఐడీ), ఎన్‌రోల్‌మెంట్ ఐడీ (ఈఐడీ)లను గేట్‌వేగా ఉపయోగించవచ్చు. 

ఆధార్ కార్డ్ వెరిఫికేషన్ ఎలా చేయాలి?

స్టెప్‌1:  UIDAI వెబ్‌సైట్‌ను సందర్శించండి.

స్టెప్‌2: 'మై ఆధార్' విభాగాన్ని ఎంచుకోండి.

స్టెప్‌3: 'వెరిఫై ఆధార్‌'ను క్లిక్‌ చేయాలి. ఆ తర్వాత 'ఆధార్ సర్వీసెస్' విభాగంను సెలక్ట్‌ చేసుకోవాల్సి ఉంటుంది. 

స్టెప్‌4:ఆధార్‌ నెంబర్‌తో పాటు క్యాప్చా కోడ్‌ను ఎంటర్‌ చేయాల్సి ఉంటుంది. 

స్టెప్‌ 5: 'ప్రొసీడ్ అండ్ వెరిఫై ఆధార్'పై క్లిక్ చేయండి.

స్టెప్‌ 6: ఆ తర్వాత మరో పేజీ ఓపెన్‌ అవుతుంది. అందులోని స్టెప్స్‌ను కూడా పూర్తి చేయాలి. 

ఆధార్‌కు సంబంధించిన సందేహాలు, ఫిర్యాదుల కోసం మీరు టోల్ ఫ్రీ నంబర్ 1947ను సంప్రదించవచ్చు. 

ఆధార్ కార్డ్, పాన్ కార్డ్ లింక్ చేయడం ఎలా?

ఆదాయపు పన్ను రిటర్న్‌లను దాఖలు చేసేందుకు గాను పాన్‌ కార్డును, ఆధార్‌ కార్డును లింక్‌ చేయడాన్ని భారత ప్రభుత్వం తప్పనిసరి చేసింది. ఈ ఆర్డర్ ఆదాయపు పన్ను చట్టంలోని సెక్షన్ 133 AA (2) ప్రకారంగా నిర్ణయించారు.  

పాన్‌ను ఆధార్‌తో లింక్ చేయడానికి రెండు మార్గాలు ఉన్నాయి:

1. ఇ-ఫైలింగ్ వెబ్‌సైట్ ద్వారా పాన్‌ను ఆధార్‌తో లింక్ చేయవచ్చు.

2. SMS ద్వారా ఆధార్ నంబర్ మరియు పాన్ లింక్ చేయవచ్చు.

ఆధార్ PVC కార్డ్ అంటే ఏమిటి? 

UIDAI ఆధార్ యొక్క కొత్త రూపాన్ని ఆధార్ PVC కార్డ్‌గా పరిచయం చేసింది. PVC మోడల్ మన్నికైనది అలాగే ఎక్కడికైనా సులభంగా తీసుకెళ్లొచ్చు. అనేక భద్రతా ఫీచర్లతో పీవీసీ కార్డును అందిస్తారు. ఆధార్‌ నెంబర్‌ ఎన్‌రోల్‌మెంట్ ID, వర్చువల్ IDని ఉపయోగించి ఈ PVC కార్డ్‌ని ఆర్డర్ చేయవచ్చు. ఇందుకోసం ఆన్‌లైన్‌లో దరఖాస్తు చేసుకోవాలి. ఆధార్ PVC కార్డ్ కోసం దరఖాస్తు చేయడానికి రూ. 50 ఛార్జీ చేస్తారు. కొత్త కార్డు స్పీడ్ పోస్ట్ ద్వారా నమోదిత చిరునామాకు చేరుతుంది. 

అధికారిక చిరునామా రుజువు పత్రాలు లేకుండా మీ ఆధార్ కార్డ్‌లోని చిరునామాను ఎలా అప్‌డేట్ చేయాలి?

మీరు మరో కొత్త చోటుకు నివాసాన్ని మార్చినప్పుడు వెంటనే చెల్లుబాటు అయ్యే చిరుమానాను అందించడం కష్టం. ఇలాంటి సమయంలో మీరు అడ్రస్ వెరిఫైయర్ జారీ చేసిన ఆధార్ చిరునామా ధ్రువీకరణ లేఖను ఉపయోగించి కొత్త చిరునామాకు మారవచ్చు. వెరిఫైయర్ ధృవీకరించిన చిరునామా కూడా మీ ఆధార్ కార్డ్‌కి యాడ్‌ చేస్తారు. ఇందుకోసం ఇతర అనవసరమైన వ్యక్తిగత సమాచారాన్ని పంచుకోవాల్సిన అవసరం ఉండదు. బంధువు, స్నేహితుడు, కుటుంబ సభ్యులను వెరిఫైయర్‌గా ఎంచుకోవచ్చు. 

బ్యాంకు ఖాతాను ఆధార్‌తో లింక్ చేయడం ఎలా?

2017లో రిజర్వ్ బ్యాంక్ ఆఫ్ ఇండియా (RBI) దేశంలోని బ్యాంకు ఖాతాలను ఆధార్‌తో అనుసంధానం చేయాలని కఠినమైన ఆదేశాలను జారీ చేసింది. కానీ 2018 సుప్రీంకోర్టు తీర్పును అనుసరించి ఇది తప్పనిసరి చేసింది. బ్యాంక్‌ ఖాతాను, ఆధార్‌తో ఎలా లింక్‌ చేయాలో ఇప్పుడు చూద్దాం. 

1. ఇంటర్నెట్ బ్యాంకింగ్ ద్వారా ఆధార్ లింక్ చేయవచ్చు

2. బ్యాంక్ మొబైల్ అప్లికేషన్ ఉపయోగించవచ్చు

3. సహాయం కోసం సమీపంలోని బ్యాంకు శాఖను సంప్రదించవచ్చు. 

4. ATM ద్వారా లింక్ చేయవచ్చు

5. SMS సేవను ఉపయోగించవచ్చు

6. మొబైల్ నంబర్ ఉపయోగించవచ్చు. బ్యాంక్ అకౌంట్ తో ఆధార్ లింక్ చేస్తే కలిగే లాభాలివే. 

మీ బయోమెట్రిక్ సమాచారాన్ని ఆధార్‌లో ఎలా భద్రపరచుకోవాలి?

మీ ఆధార్, ఇతర సమాచార  భద్రతను మెరుగుపరచడానికి ఆన్‌లైన్‌లో మీ బయోమెట్రిక్ డేటాను లాక్ చేయడానికి లేదా అన్‌లాక్ చేయడానికి UIDAI ఒక అవకాశాన్ని కల్పించింది. మీ ఆధార్ బయోమెట్రిక్‌లను లాక్ చేయడానికి, అన్‌లాక్ చేయడానికి 2 పద్ధతులు ఉన్నాయి. 

1. UIDAI అధికారిక వెబ్‌సైట్ ద్వారా ఆధార్ బయోమెట్రిక్ డేటా సెక్యూర్ చేసుకోవచ్చు. 

2. mAdhaar మొబైల్ అప్లికేషన్‌ని ఉపయోగించి ఆధార్ బయోమెట్రిక్ డేటాను లాక్‌ చేసుకోవచ్చు. అదే విధంగా అన్‌లాక్‌ కూడా చేసుకోవచ్చు. 

ఆధార్ వర్చువల్ ఐడి అంటే ఏంటి.?

ఆధార్ వర్చువల్ ID అనేది 16 అంకెలతో కూడిన తాత్కాలిక కోడ్. దీనిని ఆధార్ నంబర్ కోసం రూపొందించారు. అదే సమయంలో ఎట్టి పరిస్థితుల్లోనూ ఒరిజినల్ ఆధార్ కార్డ్‌ని తిరిగి పొందడానికి వర్చువల్ IDని ఉపయోగించలేరు. దరఖాస్తుదారులు ఆధార్ నంబర్‌తో వర్చువల్ IDని మాత్రమే రూపొందించగలరు. దీన్ని దరఖాస్తుదారులు అవసరానికి అనుగుణంగా రూపొందించవచ్చు.

ఆధార్ అథెంటికేషన్ అంటే ఏంటి.?

ఆధార్‌ కార్డ్ దుర్వినియోగం కాకుండా ఆర్థిక మోసాలను నివారించేందుకు ఈ ఆధార్‌ అథెంటికేషన్‌ ఉపయోగపడుతుంది. మీ అనుమతి లేకుండా ఎవరైనా ఆధార్‌ కార్డును ఉపయోగిస్తున్నారన్న అనుమానం వస్తే వెంటనే ఆధార్‌ అథెంటికేషన్‌లోకి వెళ్లి హిస్టరీని చెక్‌ చేసుకోవచ్చు. ఆధార్‌ అథెంటికేషన్‌ను ఎలా చెక్‌ చేసుకోవాలో తెలుసుకోకవడానికి ఇక్కడ క్లిక్‌ చేయండి

ఆధార్‌కు సంబంధించి UIDAI అందించే సేవలు ఏమిటి?

1. మీరు UIDAI పోర్టల్‌ని సందర్శించడం ద్వారా మీ చిరునామాను ఆన్‌లైన్‌లో ఉచితంగా అప్‌డేట్ చేయవచ్చు.

2. ఆన్‌లైన్ పోర్టల్ ద్వారా వ్యక్తుల ఆధార్ సంఖ్యను చెక్‌ చేసుకోవచ్చు. 

3. mAadhaar అప్లికేషన్ ద్వారా ఆన్‌లైన్‌లో ఆధార్ బయోమెట్రిక్‌లను అన్‌లాక్, లాక్‌ చేసుకోవచ్చు.  

4. ఆధార్-బ్యాంక్ ఖాతా లింకింగ్ స్థితిని ఆన్‌లైన్‌లో చెక్ చేసుకోవచ్చు. 

5. యూజర్లు గత ఆరు నెలల్లో చేసిన ఆధార్ రిక్వెస్ట్‌లను ట్రాక్‌ చేసుకోవచ్చు, సమీక్షంచవచ్చు. 

6. యూజర్ ఆధార్‌ను సురక్షితంగా ఉంచడానికి ఆధార్ వర్చువల్ IDని రూపొందించవచ్చు.

7. UIDAI అధికారిక వెబ్‌సైట్ నుంచి E-ఆధార్ డౌన్‌లోడ్ చేసుకోవచ్చు.

8. నమోదు తర్వాత వినియోగదారు కోసం ఆధార్ కార్డ్ స్థితిని చెక్‌ చేసుకోవచ్చు. 

9. ఆధార్‌ను ఎన్‌రోల్‌మెంట్ సెంటర్ లేదా UIDAI ఆన్‌లైన్ పోర్టల్ ద్వారా అప్‌డేట్ చేయవచ్చు.

10. పోగొట్టుకున్న లేదా మరచిపోయిన ఆధార్ నంబర్ (UID) లేదా ఎన్‌రోల్‌మెంట్ ID (EID)ని ఆన్‌లైన్‌లో సులభంగా తిరిగి పొందవచ్చు.

ఆధార్‌ను అప్‌డేట్ చేసేటప్పుడు గుర్తుంచుకోవలసిన విషయాలు ఏమిటి.?

ఆన్‌లైన్ లేదా ఆఫ్‌లైన్‌లో ఆధార్ కార్డ్ ఫామ్‌ను ఫిల్‌ చేసే సమయంలో కొన్ని విషయాలను కచ్చితంగా గుర్తుంచుకోవాలి. 

1. ఫామ్‌ ఫిల్‌ చేసే సమయంలో క్యాప్టల్‌ లెటర్స్‌ను ఉపయోగించాలి. 

2. పేరుకు ముందు మిస్టర్, మిసెస్, మిస్ మొదలైన వాటిని ఉపయోగించకూడదు.

3. ఫామ్‌ను మీ మాతృభాషలో లేదా ఇంగ్లిష్‌లో నింపొచ్చు. 

4. యాక్టివ్‌లో ఉన్న మొబైల్ నెంబర్‌ను అందించాలి. 

5. తాత్కాలిక చిరునామా ఇవ్వకుండా వీలైనంత వరకు శాశ్వత చిరునామా ఇవ్వడానికి ప్రయత్నించండి. లేదంటే తర్వాత అప్‌డేట్ చేసుకోవచ్చు.

6. దరఖాస్తుతో పాటు వ్యక్తులకు సంబంధించిన అవసరమైన పత్రాలను సమర్పించాలి.

7. గడువు ముగిసిన పత్రాలను సమర్పిస్తే దరఖాస్తు రిజక్ట్‌ అయ్యే అవకాశాలు ఉంటాయని గుర్తుంచుకోవాలి. 

8. కచ్చితమైన సమాచారాన్ని అందించారని నిర్ధారించుకోండి. 


ఆధార్ కార్డ్ కస్టమర్ కేర్‌ను ఎలా సంప్రదించాలి?


యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) 24X7 IVR (ఇంటరాక్టివ్ వాయిస్ రెస్పాన్స్) సేవలను అందిస్తోంది. ఆధార్‌ సంబంధిత సేవల కోసం టోల్ ఫ్రీ నంబర్ 1947కు కాల్ చేయవచ్చు. ఈ సేవలు సోమవారం నుంచి శనివారం వరకు ఉదయం 7 గంటల నుంచి రాత్రి 11 గంటల వరకు అందుబాటులో ఉంటుంది. అలాగే ఆదివారం ఉదయం 8 గంటల నుంచి సాయంత్రం 5 గంటల వరకు ఉంటుంది. UIDAI కస్టమర్ కేర్ సర్వీస్ మూడు జాతీయ సెలవులు అంటే జనవరి 26, ఆగస్టు 15, అక్టోబర్ 2 తేదీల్లో ఈ సేవలు అందుబాటులో ఉండవు. 


ఆధార్ కార్డు వల్ల కలిగే ప్రయోజనాలు ఏమిటి?

1. గుర్తింపు ధృవీకరణ (గుర్తింపు పత్రం) - ఆధార్ అనేది ప్రభుత్వం / ప్రభుత్వేతర సంస్థలు ఆమోదించిన గుర్తింపు కార్డు. పౌరసత్వ పత్రానికి మించి, ఇది కార్డ్ హోల్డర్ ఫోటోగ్రాఫ్, వేలిముద్రలు, ఐరిస్ స్కాన్ మొదలైన క్లిష్టమైన బయోమెట్రిక్ డేటాను కూడా కలిగి ఉంటుంది. కార్డ్‌లో ఉన్న సమాచారాన్ని సులభంగా ధృవీకరించడానికి QR కోడ్ కూడా ఉంటుంది. 

2. చిరునామా రుజువు – కార్డ్ హోల్డర్ చిరునామా ఆధార్ కార్డ్‌లో ఉంటుంది. కాబట్టి దీనిని సంస్థలు ధృవీకరణలో భాగంగా చిరునామాగా భావిస్తారు. స్టాక్ మార్కెట్ పెట్టుబడులు, మ్యూచువల్ ఫండ్‌లు, గృహ రుణాలు, వ్యక్తిగత రుణాలు, క్రెడిట్ కార్డ్‌లు, ఫైనాన్షియల్ సర్వీస్ ఇన్‌కమ్ ట్యాక్స్ రిటర్న్‌లను ఫైల్ చేయడం వంటి ఆర్థిక ఉత్పత్తుల కోసం అడ్రస్ ప్రూఫ్‌గా ఆధార్‌ ఉపయోగపడుతుంది. 

3. ప్రభుత్వ రాయితీలు - వివిధ ప్రభుత్వ పథకాల కింద రాయితీలు పొందేందుకు, ఎవరైనా తమ బ్యాంకు ఖాతాలను ఆధార్‌తో లింక్ చేయాలి. కేంద్ర, రాష్ట్ర ప్రభుత్వాల పథకాలకు ఆధార్‌ కార్డు తప్పనిసరిగా భావిస్తారు. 

4. బ్యాంక్ ఖాతా యాక్సెస్ - పాన్ కార్డ్ (శాశ్వత ఖాతా సంఖ్య)తో పాటు ఆధార్ బ్యాంకు ఖాతాలను తెరవడానికి కీలక పత్రంగా ఉపయోగిస్తారు. బ్యాంక్ ఖాతాను ఆధార్‌తో లింక్ చేయడం తప్పనిసరి కానప్పటికీ. ప్రస్తుతం చాలా వరకు బ్యాంకులు జన్ ధన్ ఖాతాలతో సహా బ్యాంక్ ఖాతాను తెరవడానికి ఆధార్ కార్డ్, పాన్‌ కార్డులను తప్పనిసరిగా అడుగుతున్నాయి. 

5. ఆదాయపు పన్ను చెల్లింపు - పాన్ కార్డ్‌తో ఆధార్‌ను లింక్ చేయడం ఆదాయపు పన్ను శాఖ తప్పనిసరి చేసింది. ఆదాయపు పన్ను చెల్లించడానికి, రిటర్నులు దాఖలు చేయడానికి ఆధార్ తప్పనిసరి. లేకపోతే పన్ను చెల్లింపుదారుల రిటర్న్ దరఖాస్తు ప్రాసెస్ చేయలేరు. 

6. మొబైల్ ఫోన్ కనెక్షన్‌లు - అన్ని టెలికాం కంపెనీలు కొత్త కనెక్షన్‌ల కోసం గుర్తింపు కార్డుగా అడ్రస్‌ ప్రూఫ్‌గా ఆధార్‌ను స్వీకరిస్తున్నాయి. ఆధార్‌ని ఉపయోగించే కనెక్షన్‌లు వేగంగా యాక్టివేట్ చేస్తున్నారు.

7. గ్యాస్ కనెక్షన్లు - కొత్త గ్యాస్ కనెక్షన్ల కోసం ఆధార్ డాక్యుమెంటేషన్ అవసరం. అలాగే ఇప్పటికే ఉన్న కనెక్షన్లు ఏవైనా సబ్సిడీ ఉంటే కైవేసీ చేయాల్సి ఉంటుంది. ఇందుకోసం బ్యాంక్‌ ఖాతాతో ఆధార్‌ లింక చేయాల్సి ఉంటుంది. 

8. మ్యూచువల్ ఫండ్‌లు - ఆధార్‌ని ఉపయోగించి ఇంతకుముందు e-KYC ప్రక్రియ పని చేయనప్పటికీ, మ్యూచువల్ ఫండ్ పెట్టుబడుల కోసం ఖాతాను తెరిచే ప్రక్రియను ఆధార్ సులభతరం చేస్తుంది. అదే సమయంలో ఫండ్ కోసం సంవత్సరానికి రూ. 50,000 కంటే ఎక్కువ పెట్టుబడులకు, ఈ పరిమితిని దాటడానికి పెట్టుబడిదారుడి వ్యక్తిగత బయోమెట్రిక్ ధృవీకరణ అవసరం. ఆధార్ కార్డుతో డబ్బులు కూడా విత్ డ్రా చేసుకోవచ్చు. అదేలాగో తెలుసుకోవడానికి ఇక్కడ క్లిక్ చేయండి. 

Latest Videos
Follow Us:
Download App:
  • android
  • ios