ఇన్వెస్కో గ్లోబల్ సర్వేలో చైనాను వెనక్కు నెట్టేసిన భారత్...పెట్టుబడులకు మొదటి చాయిస్ భారత్ అంటూ నివేదిక..

చైనాను వెనక్కు నెట్టేసి పెట్టుబడులు పెట్టడానికి భారతదేశం ఇప్పుడు పెట్టుబడిదారుల మొదటి ఎంపికగా మారింది. ఇన్వెస్కో గ్లోబల్ నివేదిక ప్రకారం, 142 మంది చీఫ్ ఇన్వెస్ట్‌మెంట్ ఆఫీసర్లు సావరిన్ వెల్త్ ఫండ్ ఇన్వెస్ట్‌మెంట్‌కు భారతదేశాన్ని మొదటి ఎంపికగా పేర్కొన్నారు. ఒక దేశం ప్రభుత్వ నిధిని సావరిన్ ఫండ్ అంటారు. సార్వభౌమ నిధులు దాని ఆర్థిక వ్యవస్థ, దాని పౌరుల ఆర్థిక బలం కోసం ఇతర దేశాలలో పెట్టుబడి పెడుతారు.

పెట్టుబడులకు భారతదేశం మొదటి ఎంపిక

సర్వే ప్రకారం, 2022 సంవత్సరంలో, సావరిన్ ఫండ్ పెట్టుబడికి చైనా మొదటి ఎంపికగా ఉంది. అయితే గతేడాది పెట్టుబడి ఎంపిక విషయంలో చైనాకు 71 పాయింట్లు లభించగా, భారత్‌కు 66 పాయింట్లు వచ్చాయి. కానీ 2023లో నిర్వహించిన సర్వేలో భారత్‌కు 76, చైనాకు 51 మార్కులు వచ్చాయి. ఈ సర్వేలో అభివృద్ధి చెందుతున్న దేశాలు దక్షిణ కొరియా, బ్రెజిల్, మెక్సికో, దక్షిణాఫ్రికా భారతదేశంతో పోల్చితే చాలా వెనుకబడి ఉన్నాయి.

దేశంలో వ్యాపార, రాజకీయ స్థిరత్వం పెరిగింది..

ఇన్వెస్కో అధ్యయనం ప్రకారం, భారతదేశంలో  పెరుగుతున్న వ్యాపారం ,  రాజకీయ స్థిరత్వం ఒక బలమైన అంశంగా మారింది. ఇది కాకుండా, భారతదేశ జనాభా, నియంత్రణ కార్యక్రమాలు ,  సార్వభౌమ పెట్టుబడిదారులకు అనుకూలమైన వాతావరణం కల్పిస్తున్నాయి. దీంతో  భారతదేశం మొదటి పెట్టుబడులకు మొదటి ఎంపికగా మారడానికి ఇవన్నీ దోహదం చేశాయి. 

దేశ ఆదాయ వసూళ్లు పెరుగుతున్నాయి..

భారతదేశ యువ జనాభా వేగంగా పెరుగుతోంది. భారతదేశంలో విదేశీ కార్పొరేట్ పెట్టుబడులు కూడా నిరంతరం పెరుగుతూనే ఉన్నాయి. అదే సమయంలో, ఇతర దేశాలతో పోలిస్తే భారతదేశంలో ద్రవ్యోల్బణం రేటు తక్కువగా ఉంది ,  ఆర్థిక కార్యకలాపాల ,  చాలా చర్యలు భారతదేశంలో సానుకూలంగా కనిపిస్తున్నాయి. భారతదేశ ఆదాయ సేకరణ నిరంతరం పెరుగుతోంది ,  ద్రవ్య లోటు తగ్గుతోంది ఇవన్నీ కూడా . ఇన్వెస్కో గ్లోబల్ నివేదికలో భారత్ పట్ల సానుకూలాంశాలుగా పేర్కొన్నారు. 

ఈ ఆర్థిక సంవత్సరలో ఏకంగా 16 శాతం పెరిగిన ప్రత్యక్ష వసూళ్లు..

మరో వైపు దేశంలో ఆర్థిక కార్యకలాపాలు ఊపందుకుంటున్నాయి. ఇటీవల విడుదల చేసిన గణాంకాల ప్రకారం, ఈ ఆర్థిక సంవత్సరంలో ఇప్పటివరకు నికర ప్రత్యక్ష పన్నుల వసూళ్లు 16 శాతం పెరిగి రూ.4.75 లక్షల కోట్లకు చేరుకోవడం ఆర్థిక పరిణామానికి అద్దం పడుతోంది. మొత్తం 2023-24 ఆర్థిక సంవత్సరానికి ప్రత్యక్ష పన్నుల కోసం మొత్తం బడ్జెట్ అంచనా రూ. 18.23 లక్షల కోట్లలో ఈ వసూళ్లు 26.05 శాతానికి చేరుకున్నాయని ఆదాయపు పన్ను శాఖ ఒక ప్రకటనలో తెలిపింది. 

ఆదాయపు పన్ను శాఖ ప్రకారం, ఈ ఆర్థిక సంవత్సరంలో నికర ప్రత్యక్ష పన్ను వసూళ్లు రూ. 4.75 లక్షల కోట్లు వసూలు అయ్యాయి. ఇది గత ఏడాది ఇదే కాలంలో నికర వసూళ్లు కంటే 15.87 శాతం ఎక్కువగా ఉన్నాయి. ఏప్రిల్ 1 నుండి జూలై 9, 2023 వరకు, రూ. 42,000 కోట్ల విలువైన రీఫండ్‌లు జారీ అయ్యాయి., ఇది గత సంవత్సరం ఇదే కాలంలో జారీ చేయబడిన రీఫండ్‌ల కంటే 2.55 శాతం ఎక్కువ. అదే సమయంలో, స్థూల ప్రాతిపదికన, ఆదాయం, కార్పొరేట్ పన్నులతో సహా ప్రత్యక్ష పన్నుల నుండి వసూళ్లు 14.65 శాతం పెరిగి రూ.5.17 లక్షల కోట్లకు చేరుకున్నాయి. ప్రత్యక్ష పన్నుల వసూళ్లు 2023-24 బడ్జెట్‌లో రూ. 18.23 లక్షల కోట్ల కంటే కొంచెం ఎక్కువగా ఉంటాయని అంచనా వేశారు. గత ఆర్థిక సంవత్సరంలో వసూలు చేసిన రూ. 16.61 లక్షల కోట్లతో పోలిస్తే ఇది 9.75 శాతం పెరిగాయి. 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Inidan economy
• china
• India
• Economy