పెట్టుబడులకు, వ్యాపార కార్యకలాపాల విస్తరణకు హైదరాబాద్ కేరాఫ్గా మారుతోంది. ఇప్పటికే పలు దిగ్గజ టెక్ సంస్థలు కొలువుదీరిన నగరంలో 'గూగుల్' సంస్థ రూపంలో మరో భారీ ప్రాజెక్టు రూపుదిద్దుకుంటోంది. అమెరికా తర్వాత ప్రపంచంలోనే రెండో అతిపెద్ద గూగుల్ క్యాంపస్ను ఆ సంస్థ హైదరాబాద్లోని గచ్చిబౌలిలో నిర్మించనుంది. తెలంగాణ మంత్రి కేటీఆర్ చేతుల మీదుగా గురువారం (ఏప్రిల్ 28) ఈ క్యాంపస్ నిర్మాణానికి శంకుస్థాపన జరిగింది.
టెక్నాలజీ రోజురోజుకు అభివృద్ధి చెందుతోంది. టాప్ టెన్ టెక్ సంస్థల్లో గూగుల్ (Google) కూడా ఒకటి. ఎంతో మందికి ఉపాధి కల్పిస్తోంది. దీనికి సంబంధించిన క్యాంపస్ లు తమ రాష్ట్రాల్లో ఏర్పాటు చేయాలని ఆయా రాష్ట్ర ప్రభుత్వాలు ప్రయత్నాలు చేస్తుంటాయి. అతి పెద్ద కంపెనీలకు హైదరాబాద్ కేరాఫ్ అడ్రస్ గా మారుతోంది. అమెజాన్, ఆపిల్, మైక్రోసాఫ్ట్ కార్యాలయాలు ఏర్పాటు చేసి ఎంతో మందికి ఉపాధి కల్పిస్తున్నాయి. టెక్ దిగ్గజ సంస్థల కార్యకలాపాలను విస్తరిచండం కోసం సొంత క్యాంపస్ లు సైతం నిర్మించుకుంటున్నాయి. ఐటీ పరిశ్రమకు పేరొందిన హైదరాబాద్ మహానగరంలో కూడా గూగుల్ (Google) సొంత క్యాంపస్ ఏర్పాటుకు ముమ్మర సన్నాహాలు జరుగుతున్నాయి.
అమెరికా తర్వాత అతిపెద్ద క్యాంపస్ నిర్మాణానికి గచ్చిబౌలి నానక్ రామ్ గూడ వేదిక కానుంది. దాదాపు 33 లక్షల చదరపు అడుగుల విస్తీర్ణంలో ఈ కేంద్రం ఏర్పాటు కానుంది. 2022, ఏప్రిల్ 29వ తేదీ శుక్రవారం మంత్రి కేటీఆర్ శంకుస్థాపన చేశారు. భవన డిజైన్ ను ఆయన ఆవిష్కరించారు. ప్రపంచంలోనే రెండో అతిపెద్ద గూగుల్ క్యాంపస్ కావడం విశేషం. దీని ద్వారా యువతకు ఐటీ ఉద్యోగాలు రానున్నాయి. ఈ లక్ష్యంగానే తెలంగాణ సర్కార్ పని చేస్తోంది. 2015లో యూఎస్ లోని కాలిఫోర్నియాలో ఉన్న ప్రధాన కార్యాలయాన్ని కేటీఆర్ సందర్శించారు. ఈ సమయంలోనే సొంత క్యాంపస్ ఏర్పాటు కోసం తెలంగాణ ప్రభుత్వం, గూగుల్ మధ్య ఒప్పందం జరిగింది. ఇప్పటికే మహానగరంలో 30 లక్షల చదరపు అడుగుల విస్తీర్ణంలో గూగుల్ కార్యలయాన్ని నిర్వహిస్తోంది.
ప్రస్తుతం గచ్చిబౌలిలో 7.3 ఎకరాల స్థలాన్ని 2019లో కొనుగోలు చేసింది. దీని ద్వారా.. దాదాపు 30 వేల మందికి పైగా ఉద్యోగులు పని చేయడానికి వీలుగా భవనాన్ని అత్యాధునిక టెక్నాలజీతో నిర్మించాలని గూగుల్ ఏర్పాట్లు చేస్తున్నట్లు సమాచారం. తెలంగాణ అకాడమీ ఫర్ స్కిల్ నాలెడ్జ్ తో కలిసి గూగుల్ పని చేయనుంది. ఇందులో యూఎక్స్ డిజైన్, ఐటీ సపోర్టు, ఐటీ ఆటోమేషన్, అనలిటిక్స్, ప్రాజెక్టు మేనేజ్ మెంట్ ఇతర విభాగాల్లో అభ్యర్థులకు శిక్షణనివ్వబడుతుంది ఇలా శిక్షణ పొందిన అభ్యర్థులకు వివిధ సంస్థలకు అనుసంధానం చేస్తారు. ఇందులో మహిళా వ్యాపారవేత్తలు తమ వ్యాపారాలు మరింత మెరుగ్గా నిర్వహించుకొనేందుకు మద్దతు సైతం అందిస్తారు. గూగుల్ శాశ్వత క్యాంపస్ నిర్మాణంతో తెలంగాణ యువతకు ఉపాధి అవకాశాలు మరింత అందుతాయని అంచనాలు నెలకొన్నాయి. గూగుల్ కెరీర్ సర్టిఫికేట్ ద్వారా ఐటీ సపోర్టు అందించనుంది రెండో అతిపెద్ద క్యాంపస్ రెండు సంవత్సరాల్లో అందుబాటులోకి తేనుందని అంచనాలు నెలకొన్నాయి.
