హోండా మోటర్స్ సరికొత్త రికార్డు... 4 నెలల్లో లక్ష యూనిట్ల సేల్స్
హో్ండా మోటార్ సైకిల్స్ అండ్ స్కూటర్స్ సరికొత్త రికార్డు నెలకొల్పింది. గతేడాది సెప్టెంబర్ నెలలో బీఎస్-6 ప్రమాణాలతో రూపొందించిన హోండా యాక్టీవా స్కూటీలను ఇప్పటివరకు లక్షకు పైగా విక్రయించి మరో రికార్డు లిఖించుకున్నది.
Followముంబై: ప్రముఖ వాహన తయారీ సంస్థ హోండా మోటార్ సైకిల్స్ అండ్ స్కూటర్స్ (హెచ్ఎంఎస్ఎల్) ఆధ్వర్యంలో రూపొందించిన ‘బీఎస్-6’ మోడల్ యాక్టివా ద్విచక్రవాహనాల అమ్మకాల్లో రికార్డు నెలకొల్పింది. తాజాగా లక్ష యూనిట్ల మైలురాయి అధిగమించినట్లు హోండా మోటార్ సైకిల్స్ అండ్ స్కూటర్స్ ఓ ప్రకటనలో తెలిపింది.
also read ఆటో దిగ్గజాలు ఆనంద్ వేణు శ్రీనివాస్‌లకు ‘భూషణ్‘.. 9 మందికి పద్మ శ్రీ
2019 సెప్టెంబర్‌లో హోండా తమ సంస్థ నుంచి తొలి బీఎస్-6 స్కూటర్ యాక్టీవా 125, ఆ తర్వాత ఎస్పీ 125 యాక్టీవా.. అనంతరం ఈ ఏడాది ఆరంభంలో యాక్టివా 6జీలను విపణిలోకి విడుదల చేసిన విషయం తెలిసిందే. బీఎస్-6 ప్రమాణాలతో రూపొందించిన అధునాతన ఇంజిన్లతో ఈ మూడు రకాల ద్విచక్రవాహనాల సంస్థ మార్కెట్‌కు పరిచయం చేసింది.
ఈ బీఎస్ 6 వాహనాలను విడుదల చేసినప్పటి నుంచి కేవలం నాలుగు నెలల్లో లక్ష యూనిట్లు అమ్మినట్లు హోండా మోటార్స్ అండ్ స్కూటర్స్ తెలిపింది. ఈ ఏడాది ఏప్రిల్‌ కల్లా బీఎస్-6 వాహనాలను మార్కెట్లోకి విడుదల చేయాలని కే్ంద్ర ప్రభుత్వం ఇదివరకే ఆదేశించింది.
also read రాయల్ ఎన్‌ఫీల్డ్ నుండి రెండు కొత్త బిఎస్ 6 బైకులు...
దీంతో ఆ గడువుకు ముందే బీఎస్-6 వాహనాలను మార్కెట్‌లో అందుబాటులో ఉంచేందుకు హోండా మోటార్ సైకిల్స్ అండ్ స్కూటర్స్ సిద్ధమైంది. ఈ వాహనాలు కేవలం పనితీరులోనే కాకుండా మైలేజీ విషయంలోనూ మంచి ఫలితాల్నిస్తాయని సంస్థ తెలిపింది. కేవలం పనితీరులోనే కాకుండా మైలేజీ విషయంలోనూ సత్ఫలితాలనిస్తాయని హోండా మోటారు సైకిల్స్ అండ్ స్కూటర్స్ పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
