వికారినామ సంవత్సర.. మీనరాశి ఫలితాలు
తెలుగు సంవత్సరాదిలో మకర రాశి ఫలితాలు
 )
Followమీనం : (పూర్వాభాద్ర 4 పా. ఉత్తరభాద్ర, రేవతి) : ఆదాయం - 2, వ్యయం - 8; రాజపూజ్యం - 1, అవమానం - 7;
ఈ రాశివారికి గురువు నంబర్‌ 2019 వరకు నవమంలోనూ 2019 నవంబర్‌ 4 తరువాత దశమంలో సంచారం ఉంటుంది. నవమ సంచారం వలన ఆధ్యాత్మిక కార్యక్రమాలకు అనుకూలంగా ఉంటుంది. అన్ని పనుల్లో సంతృప్తి చేస్తారు. ధార్మిక కార్యక్రమాలపై దృష్టి అధికంగా పెడతారు. తీసుకునే నిర్ణయాలు అనుకూలిస్తాయి. స్పష్టత ఉంటుంది. నూతన కార్యక్రమాలకు రూపకల్పన చేస్తారు. అనుకున్న పనులు నెరవేరుతాయి.
నవంబర్‌ 2019 తర్వాత దశమంలో సంచారం వల వృత్తి ఉద్యోగాదుల్లో కొంత ఒత్తిడి ఏర్పడుతుంది. శ్రమ అధికంగా ఉంటుంది. అధికారిక వ్యవహారాల్లో ఆచి, తూచి వ్యవహరించాలి. శ్రమతో పనులు సాధిస్తారు. శని 2020 జనవరి వరకు దశమ సంచారంలో ఉంటాడు. దశమంలో సంచారం వలన అధికారులతో పోటీ లు అధికంగా ఉంటాయి. బాధ్యతలు పెరిగి ఇబ్బందిపెడతాయి. ఖర్చులు వ్యర్థమైనవి అధికంగా ఉంటారు. ఆసుపత్రుల పరామర్శలు తప్పవు.
సౌకర్యాల లోపం ఉంటుంది. జనవరి తర్వాత లాభంలో సంచారం వలన నిర్ణయాదులకు సమీక్షించుకోవాలి. ఆలస్యాలకు అవకాశం ఉంటుంది. అన్ని పనుల్లో ఒత్తిడి ఏర్పడుతుంది. అనుకోని ఇబ్బందులు ఉంటాయి. రాహువు చతుర్థ సంచారం వలన సౌకర్య లోపాలకు అవకాశం ఉంటుంది. ఒత్తిడితో సౌకర్యాలు పూర్తిచేస్తారు.
గృహ, వాహనాదుల విషయంలో శ్రమ తప్పదు. కేతువు దశమ సంచారం వలన అధికారులతో అప్రమత్తంగా ఉండాలి. ఉద్యోగంలో శ్రమ ధికంగా ఉంటుంది. నిర్ణయాదులు పనికిరావు. వీరు దానధర్మాలు, ధార్మిక కార్యక్రమాల కోసం అధికంగా ఖర్చు చేయాలి. కావున జాగ్రత్త పడడం మంచిది. వీరు విష్ణుసహస్రనామ పారాయణం, శ్రీదత్త శ్శరణం మమ జపం చేసుకోవడం మంచిది.
ఏకాత్మభావన : ఈశ్వరోగురురాత్మేతి మూర్తి త్రి త్రయ స్వరూపిణే ఆనందాత్మ స్వరూపాయ దక్షిణామూర్తయే నమః
గృహప్రాప్తి మంత్రం : చింతామణి గృహాంతస్థా శ్రీమన్నగరనాయికా,
ఇల్లు కాకుండా స్థలం కొనుక్కుందామనుకుంటే
స్థల ప్రాప్తి మంత్రం : శ్రీ వరాహాయ ధరణ్యుద్ధారకాయ, త్రివిక్రమాయ నమః,
దాన ధ్యానం : జనని కనకవృష్టిం దక్షిణాం తేర్పయామి. ఈ జపాలు చేసుకుంటూ ఉండాలి.
డా.ఎస్.ప్రతిభ
ఇతర రాశుల వారి ఉగాది ఫలితాలు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
