మెడికల్ కాలేజ్ వైస్ ప్రిన్సిపాల్, విద్యార్థుల ఆందోళన... జగిత్యాలలో అర్ధరాత్రి ఉద్రిక్తత

జగిత్యాల : ప్రభుత్వ డాక్టర్ కులం పేరుతో దూషించాడని ఆరోపిస్తూ జగిత్యాల మెడికల్ కాలేజీ వైస్ ప్రిన్సిపల్ డేవిడ్ ఆనంద్ ఆందోళనకు దిగాడు. దీంతో ఆయనకు మద్దతుగా మెడికల్ స్టూడెంట్స్ కూడా కళాశాల ఆవరణలో జరుగుతున్న ఈ ఆందోళనలో పాల్గొన్నారు. అనంతరం క్యాంపస్ నుండి అదే రాత్రి ర్యాలీగా పట్టణ పోలీస్ స్టేషన్ కు చేరుకుని వైస్ ప్రిన్సిపాల్ ను తిట్టిన డాక్టర్ పై ఫిర్యాదు చేసారు. డాక్టర్ పై చర్యలు తీసుకోవాలని డిమాండ్ చేస్తూ పోలీస్ స్టేషన్ ఎదుట బైఠాయించి ఆందోళన చేపట్టారు. దీంతో వారిని పోలీసులు సముదాయించడంతో ఆందోళనను విరమించారు.