Jan 18, 2023, 10:42 AM IST
గుడివాడ : స్వయంగా మాజీ మంత్రి కొడాలి నాని, డిఎస్పీ సత్యానందం పాల్గొన్న కార్యక్రమం వద్ద ఓ తాగుబోతు యువకుడు వీరంగం సృష్టించాడు. ఫుల్లుగు మద్యం సేవించి కృష్ణా జిల్లా గుడివాడ పట్టణంలోని ప్రధాన రహదారి పక్కనే గల ఓ షాపింగ్ మాల్ లో ఏర్పాటుచేసిన కార్యక్రమానికి స్థానిక ఎమ్మెల్యే పాల్గొన్నారు. ఓవైపు ఈ కార్యక్రమం జరుగుతుండగా మహారాష్ట్రకు చెందిన యువకుడు మద్యంమత్తులో అక్కడికి వచ్చి నానా హంగామా సృష్టించాడు. మత్తులో రోడ్డుపైకి తూలుతూ వచ్చి గట్టిగా కేకలు వేస్తూ, వాహనాలను అడ్డుకుంటూ రాద్దాంతం చేసాడు. పోలీసులు అతడిని నిలువరించే ప్రయత్నం చేయగా వారినే తోసేసాడు. రోడ్డు మద్యలోకి వెళ్లి డ్యాన్సులు చేస్తూ వాహనాలకు రాకపోకలకు అంతరాయం కలిగించడంతో ట్రాఫిక్ జామ్ ఏర్పడింది. దీంతో ఎలాగోలా ఈ తాగుబోతుపై రోడ్డుపై నుండి పక్కకు తీసుకెళ్లి ట్రాఫిక్ ను క్లియర్ చేసారు గుడివాడ పోలీసులు.