బాలకృష్ణతో కలిసి సుహాసిని నామినేషన్

కూకట్‌పల్లి నియోజకవర్గం టీడీపీ అభ్యర్థిగా నందమూరి హరికృష్ణ కుమార్తె సుహాసిని నామినేషన్ కు ముహూర్తం కుదిరింది. శనివారం ఉదయం 11.21 గంటలకు సుహాసిని నామినేషన్ దాఖలు చేయనున్నారు. 

హైదరాబాద్: కూకట్‌పల్లి నియోజకవర్గం టీడీపీ అభ్యర్థిగా నందమూరి హరికృష్ణ కుమార్తె సుహాసిని నామినేషన్ కు ముహూర్తం కుదిరింది. శనివారం ఉదయం 11.21 గంటలకు సుహాసిని నామినేషన్ దాఖలు చేయనున్నారు. 

అంతకు ముందు ఉదయం 9గంటలకు బాబాయ్ బాలకృష్ణతో కలిసి ఎన్టీఆర్‌ ఘాట్‌లో టీడీపీ వ్యవస్థాపక అధ్యక్షుడు దివంగత సీఎం ఎన్టీఆర్ విగ్రహానికి పూలమాలలు వేసి నివాళులర్పించనున్నారు. అనంతరం 11.21 గంటలకు కూకట్‌పల్లిలో బాబాయ్ బాలయ్యతో కలిసి సుహాసిని నామినేషన్ వేయనున్నారు. బాలయ్యతోపాటు నందమూరి కుటుంబ సభ్యులు కూడా భారీ సంఖ్యలో హాజరుకానున్నారు. 

ఈ నామినేషన్ కార్యక్రమానికి టీటీడీపీ అధ్యక్షుడు ఎల్ రమణ, రావుల చంద్రశేఖర్ రెడ్డి, రేవూరి ప్రకాశ్ రెడ్డి, శేరిలింగంపల్లి టీడీపీ అభ్యర్థి భవ్య ఆనంద ప్రసాద్ లతోపాటు పలువురు టీడీపీ, మహాకూటమి నేతలు హాజరుకానున్నట్లు సమాచారం. 

ఈ వార్తలు కూడా చదవండి