పెళ్లికి ముందే కోట్ల ఆస్తి ఉంది.. ఇప్పుడు అడిగితే ఎలా.. రేవంత్

కేసీఆర్‌ అరాచకాలను తెలంగాణ ప్రజలందరూ గమనిస్తున్నారు. అధికారాన్ని నిలబెట్టుకునేందుకు కేసీఆర్‌ కుట్రలు చేస్తున్నారు.

తన ఇంట్లో జరిగిన ఐటీ సోదాలపై కాంగ్రెస్ వర్కింగ్ ప్రెసిడెంట్ రేవంత్ రెడ్డి స్పందించారు. "నా పెళ్లి కంటే ముందే మా మామ కుటుంబానికి రూ.కోట్ల ఆస్తులు ఉన్నాయి" అని ఆయన పేర్కొన్నారు. శనివారం మధ్యాహ్నం తన నివాసంలో మీడియా సమావేశం ఏర్పాటు చేసిన ఆయన.. " మా మామ కుటుంబం ఆగర్భశ్రీమంతులు. అప్పట్లోనే వారికి హైదరాబాద్‌ నడిబొడ్డున ఎకరాల స్థలం ఉంది. కేసీఆర్‌ అరాచకాలను తెలంగాణ ప్రజలందరూ గమనిస్తున్నారు. అధికారాన్ని నిలబెట్టుకునేందుకు కేసీఆర్‌ కుట్రలు చేస్తున్నారు.

నాపై చిల్లరవాళ్లు ఆరోపణలు చేశారు. ప్రజల కోసమే ఆరోపణలపై వివరణ ఇస్తున్నాను. 2009 తర్వాత ఎలాంటి ఆస్తులను కొనుగోలు చేయలేదు. మా ఇంటిలో కిరాయికి ఉన్నవాళ్లు కంపెనీలు పెట్టుకుంటే నాకు చెందిన కంపెనీలని ప్రచారం చేస్తున్నారు. కేసీఆర్‌ మానసిక రోగంతో బాధపడుతున్నారు. నాకు అండగా నిలిచిన కాంగ్రెస్‌ నేతలు, కార్యకర్తలకు కృతజ్ఞతలు తెలుపుతున్నాను. కేసీఆర్‌ పడేసిన బొక్కలు నమిలి బతికనోళ్లు కూడా నాపై ఆరోపణలు చేస్తున్నారు" అని తీవ్ర స్థాయిలో టీఆర్ఎస్ నేతలను ఉద్దేశించి రేవంత్ ధ్వజమెత్తారు.