ఐటి సోదాలపై రేవంత్ రెడ్డి స్పందన ఇదీ...

ఐటి సోదాలపై రేవంత్ రెడ్డి కాస్తా ఘాటుగానే స్పందించారు. తనకు అండగా నిలిచిన కార్యకర్తలకు ఆయన ధన్యవాదాలు తెలిపారు. తప్పుడు కేసులు పెట్టి ప్రభుత్వం వేధిస్తోందని ఆయన అన్నారు.

హైదరాబాద్: తనపై జరిగిన ఆదాయం పన్ను దాడులపై తెలంగాణ కాంగ్రెసు వర్కింగ్ కమిటీ ప్రెసిడెంట్ రేవంత్ రెడ్డి స్పందించారు. దాదాపు 43 గంటల పాటు ఆయనను ఐటి, ఈడీ అధికారులు ప్రశ్నించిన విషయం తెలిసిందే. దాదాపు 150 ప్రశ్నలకు రేవంత్ రెడ్డి నుంచి వారు రాతపూర్వకమైన సమాధానాలు తీసుకున్నట్లు సమాచారం. అదే సమయంలో మూడు సీటు కేసుల్లో డాక్యుమెంట్లను కూడా సర్గుకుని పోయినట్లు చెబుతున్నారు. 

ఆ సోదాలపై రేవంత్ రెడ్డి కాస్తా ఘాటుగానే స్పందించారు. తనకు అండగా నిలిచిన కార్యకర్తలకు ఆయన ధన్యవాదాలు తెలిపారు. తప్పుడు కేసులు పెట్టి ప్రభుత్వం వేధిస్తోందని ఆయన అన్నారు. కొంత కాలంగా కాంగ్రెసు నేతలపై ప్రభుత్వం కేసులు పెడుతోందని, అభద్రతా భావంతోనే ప్రభుత్వం ఆ కేసులు పెడుతోందని ఆయన అన్నారు. 

కేంద్ర, రాష్ట్ర ప్రభుత్వాల కుట్రలో భాగంగానే దాడులు జరుగుతున్నట్లు ఆయన అభిప్రాయపడ్డారు. తాను 2009లో ప్రస్తావించిన ఆస్తులతో 2014లో ప్రస్తావించిన ఆస్తులను పోల్చి చూడాలని ఆయన అన్నారు. 2009 తర్వాత తాను ఒక్క ఆస్తి కూడా కొనలేదని స్పష్టం చేశారు. 

సంబంధిత వార్తలు