ఐటీ అధికారుల విచారణకు హాజరైన రేవంత్

ఆస్తుల కేసులో కాంగ్రెస్ పార్టీ వర్కింగ్ ప్రెసిడెంట్ రేవంత్ రెడ్డి బుధవారం నాడు ఆదాయపు పన్ను శాఖాధికారుల విచారణకు హాజరయ్యారు.  

హైదరాబాద్: ఆస్తుల కేసులో కాంగ్రెస్ పార్టీ వర్కింగ్ ప్రెసిడెంట్ రేవంత్ రెడ్డి బుధవారం నాడు ఆదాయపు పన్ను శాఖాధికారుల విచారణకు హాజరయ్యారు.

వారం రోజుల క్రితం  రేవంత్ రెడ్డి ఇంట్లో ఆదాయపు పన్ను శాఖాధికారులు  సుమారు 41 గంటల పాటు సోదాలు నిర్వహించారు. ఈ సోదాల్లో లభించిన డాక్యుమెంట్ల ఆధారంగా ఐటీ అధికారులు విచారణకు రావాలని రేవంత్ రెడ్డికి నోటీసులు అందించారు.

రేవంత్ రెడ్డితో పాటు ఓటుకు నోటు కేసులో  కీలక నిందితులుగా ఉన్న సెబాస్టియన్, ఉదయ్ సింహలను కూడ విచారించనున్నారు. మరో వైపు  రేవంత్ రెడ్డి సోదరుడు  కొండల్ రెడ్డిని కూడ  ఈ కేసులో విచారిస్తున్నారు.

టుకు నోటు కేసులో రేవంత్ రెడ్డి  స్టీఫెన్‌సన్‌కు ఇవ్వజూపిన రూ.50 లక్షలు ఎక్కడి నుండి వచ్చాయనే విషయమై  ఆదాయపు పన్ను శాఖాధికారులు ప్రశ్నించనున్నారు. మరో వైపు ఇదే కేసులో  ఉదయ సింహా, సెబాస్టియన్‌లను విచారించనున్నారు.

స్టీఫెన్‌సన్‌కు నాలుగున్నర కోట్లను ఎలా ఇస్తారనే విషయమై రేవంత్ రెడ్డిని ఐటీ అధికారులు ప్రశ్నించే అవకాశం ఉందని సమాచారం. బుధవారం నాడు ప్రధానంగా జరిగే విచారణలో ఓటుకు నోటు కేసుపైనే ప్రధానంగా ప్రశ్నించే అవకాశం ఉందని సమాచారం.

సంబంధిత వార్తలు