ప్రణయ్ హత్య.. వరంగల్ సెంట్రల్ జైలుకు మారుతీరావు

తెలుగు రాష్ట్రాల్లో సంచలనం సృష్టించిన మిర్యాలగూడ ప్రణయ్ హత్య కేసులో నిందితులైన మారుతీరావు, అబ్ధుల్ కరీం, శ్రవణ్ కుమార్‌లను పోలీసులు వరంగల్ సెంట్రల్ జైలుకు తరలించారు.

నిందితులపై హత్యతో పాటు గతంలో బెదిరింపుల కేసులు ఉండటంతో ఈ విచారణను చేపట్టిన నల్గొండ జిల్లా ఎస్పీ రంగనాథ్ పీడీ యాక్ట్ నమోదు చేయాలని కలెక్టర్ గౌరవ్ ఉప్పల్‌ను కోరారు. దీనికి సుముఖుత తెలిపిన గౌరవ్ ఉప్పల్ అందుకు తగిన ఆదేశాలు జారీ చేశారు.

దీంతో నల్గొండ జిల్లా కేంద్ర కార్యాలయంలో శిక్ష అనుభవిస్తున్న ఈ ముగ్గురినీ వరంగల్ సెంట్రల్ జైలుకు తరలించినట్లుగా పోలీసులు తెలిపారు. తన కుమార్తె అమృత వర్షిణి తక్కువ కులం వాడిని పెళ్లి చేసుకుందన్న కక్షతో... ఆమె తండ్రి మారుతీరావు..కిరాయి హంతకులతో కలిసి అల్లుడిని దారుణంగా హత్య చేయించిన సంగతి తెలిసిందే.