ప్రణయ్ హంతకులకు బెయిల్: కారణం ఇదీ...

ప్రణయ్ హత్య కేసులో నిందితులకు శనివారంనాడు బెయిల్ మంజూరైంది. తన కూతురు కులాంతర వివాహంపై ఆగ్రహించిన మామ మారుతీరావు ఆదేశాల మేరకు దుండగులు ప్రణయ్ ను హత్య చేశారు. 

నల్లగొండ: ప్రణయ్ హత్య కేసులో నిందితులకు బెయిల్ లభించింది. ఎస్సీ, ఎస్టీ ప్రత్యేక కోర్టు వారికి బెయిల్ మంజూరు చేసింది. అయితే, వారు వరంగల్ కేంద్ర కారాగారం నుంచి బయటపడే అవకాశం లేదు. వారిపై పోలీసులు పీడీ యాక్ట్ నమోదు చేయడంతో బెయిల్ లభించినా వారు జైలులో ఉండాల్సి వస్తోంది.

ప్రణయ్ హత్య కేసులో నిందితులకు శనివారంనాడు బెయిల్ మంజూరైంది. తన కూతురు కులాంతర వివాహంపై ఆగ్రహించిన మామ మారుతీరావు ఆదేశాల మేరకు దుండగులు ప్రణయ్ ను హత్య చేశారు. 

పోలీసులు చార్జిషీట్ దాఖలు చేయకపోవడంతో వారికి బెయిల్ లభించినట్లు తనకు తెలిసిందని, కేసు నమోదు చేయడానికి కొంత సమయం పడుతుందని పోలీసులు చెబుతున్నారని, తమ ప్రాణాలకు మారుతీ రావు నుంచి, ఇతరుల నుంచి ముప్పు ఉందని తాము న్యాయమూర్తి చెప్పామని ప్రణయ్ తండ్రి బాలస్వామి అంటున్నారు. 

90 రోజుల్లోగా చార్జిషీట్ దాఖలు చేయకపోతే ఏ కేసులోనైనా నిందితులకు బెయిల్ లబిస్తుందని నల్లగొండ పబ్లిక్ ప్రాసిక్యూటర్ సత్యనారాయణ గౌడ్ చెబుతున్నారు. వారికి బెయిల్ మాత్రమే లభించిందని, కానీ ఇప్పటికీ జైలులోనే ఉన్నారని మిర్యాలగుడా డిఎస్పీ శ్రీనివాస్ అన్నారు. 

నిందితులు మొబైల్ కాల్ లాగ్ ను తొలగించడంతో తాము ఫోరెన్సిక్ నివేదిక కోసం నిరీక్షిస్తున్నామని, ఫోరెన్సిక్ నిపుణులు వాటిని రాబట్టే ప్రయత్నాలు చేస్తున్నారని, జనవరి మొదటి వారంలో తమకు నివేదిక రావచ్చునని ఆయన అంటున్నారు.

సంబంధిత వార్తలు