హరీష్‌కు పెద్దపీట: కొత్త మంత్రుల శాఖలివే

తెలంగాణ సీఎం కేసీఆర్ మంత్రివర్గంలో చోటు దక్కించుకొన్న ఆరుగురికి శాఖలను కేటాయించారు. హరీష్ కు కేసీఆర్ పెద్ద పీట వేశారు. 

హైదరాబాద్: తెలంగాణ సీఎం కేసీఆర్ వద్దే కీలక శాఖలు ఉండనున్నాయి.  కొత్తగా ప్రమాణం చేసిన ఆరుగురికి శాఖలను కేటాయించారు. హరీష్ రావుకు ఆర్ధిక శాఖను కేటాయించారు. గత టర్మ్‌లో కేటాయించిన శాఖలనే కేటీఆర్ కు కేటాయించారు.

తెలంగాణ సీఎం కేసీఆర్ వద్దే కీలకమైన కొన్ని శాఖలున్నాయి. కీలకమైన  రెవిన్యూ, నీటిపారుదల శాఖలతో పాటు మైనింగ్ శాఖలు జీఏడీ, శాంతి భద్రతలు కూడ  కేసీఆర్ వద్దే ఉన్నాయి. 

ప్రస్తుతం విద్యాశాఖ మంత్రిగా ఉన్న జగదీష్ రెడ్డిని ఆ శాఖ నుండి తప్పించారు. జగదీష్ రెడ్డికి విద్యుత్ శాఖను కేటాయించారు. గత టర్మ్‌లో కూడ జగదీష్ రెడ్డి విద్యుత్ శాఖ మంత్రిగా పనిచేశారు. మంత్రివర్గ విస్తరణ కారణంగా మంత్రుల శాఖల్లో మార్పుల కారణంగా  జగదీష్ రెడ్డికి విద్యుత్ శాఖను కేటాయించారు.

ప్రస్తుతం ఆర్దిక శాఖకు మంత్రి లేరు. దీంతో హరీష్‌రావుకు ఆర్ధిక శాఖను కేటాయించారు. గత టర్మ్‌లో హరీష్ రావు భారీ నీటిపారుదల శాఖను కేటాయించారు. ఈ దఫా మాత్రం హరీష్ రావుకు ఆర్ధిక శాఖను కేటాయించారు. ఇక మంత్రిగా ప్రమాణం చేసిన కేటీఆర్ కు గతంలో పనిచేసిన మున్సిఫల్, ఐటీ, పరిశ్రమల శాఖలను కేటాయించారు.

రవాణశాఖను ప్రస్తుతం వేముల ప్రశాంత్ రెడ్డి చూసేవాడు. ప్రశాంత్ రెడ్డి నుండి రవాణా శాఖను పువ్వాడ అజయ్ కు ఇచ్చారు. కొప్పుల ఈశ్వర్ వద్ద ఉన్న బీసీ సంక్షేమ శాఖను గంగుల కమలాకర్ కు కేటాయించారు.

కొత్త మంత్రుల శాఖలివే

హరీష్ రావు: ఆర్ధిక శాఖ
కేటీఆర్  మున్సిఫల్,  ఐటీ, పరిశ్రమలు
పువ్వాడ అజయ్: రవాణ శాఖ
గంగుల కమలాకర్: బీసీ సంక్షేమ శాఖ, పౌరసరఫరాల శాఖ
సబితా ఇంద్రారెడ్డి : విద్యశాఖ
సత్యవతి రాథోడ్: ఎస్టీ సంక్షేమం, స్త్రీ, శిశు సంక్షేమ శాఖ

సంబంధిత వార్తలు