కొత్త మంత్రుల ప్రమాణ స్వీకారం: టీఆర్ఎస్ కార్యాలయం వద్ద సంబరాలు

తెలంగాణ ముఖ్యమంత్రి కేసీఆర్ మంత్రివర్గ విస్తరణ కార్యక్రమం నేపథ్యంలో టీఆర్ఎస్ ప్రధాన కార్యాలయం తెలంగాణ భవన్‌ వద్ద పండుగ వాతావరణం నెలకొంది. కొత్త మంత్రుల అభిమానులు, అనుచరులు సంబరాలు చేసుకున్నారు. బాణాసంచా కాల్చి స్వీట్లు పంచుకున్నారు.

ముఖ్యంగా టీఆర్ఎస్ వర్కింగ్ ప్రెసిడెంట్ కేటీఆర్, హరీశ్ రావు అభిమానులు, మద్ధతుదారుల సందడి ఎక్కువగా కనిపించింది. 

మరోవైపు రాజ్‌భవన్‌లో జరిగిన ఈ కార్యక్రమంలో రాష్ట్ర గవర్నర్ తమిళిసై సౌందరరాజన్ కొత్త మంత్రులతో ప్రమాణ స్వీకారం చేయించారు. కేటీఆర్, హరీశ్ రావు, సబితా ఇంద్రారెడ్డి, సత్యవతి రాథోడ్, గంగుల కమలాకర్, పువ్వాడ అజయ్ కుమార్ మంత్రులుగా ప్రమాణం చేశారు.