కొత్తగూడెం అభ్యర్థిని ప్రకటించిన కాంగ్రెస్...సీపీఐ తాడోపేడో

కాంగ్రెస్ పార్టీ తొలి విడత జాబితాలో భాగంగా కొత్తగూడెం అభ్యర్థిని ప్రకటించడంపై సీపీఐ సీరియస్ అయ్యింది. ఇక్కడి నుంచి తమ అభ్యర్ధిగా సీనియర్ నేత వనమా వెంకటేశ్వరరావును ప్రకటించింది. దీనిపై కామ్రేడ్లు భగ్గుమంటున్నారు.

కూటమిలో ఉండాలా..? సర్దుకోవాలా అన్న దానిపై తుది నిర్ణయం తీసుకునేందుకు ఇవాళ ఉదయం 11 గంటలకు రాష్ట్ర కమిటీ సమావేశమవుతోంది. కొత్తగూడెం అసెంబ్లీ సెగ్మెంట్ పరిధిలో 10 ఎంపీటీసీలు తమకు ఉన్నారని సీపీఐ నేతలు గుర్తు చేస్తున్నారు. బలమైన స్థానాన్ని కాంగ్రెస్‌కు వదులుకోవడం తమకు ఇష్టం లేదని కామ్రేడ్లు తొలి నుంచి వాదిస్తున్నారు. ఈ క్రమంలో మధ్యాహ్నాం ఏం జరుగుతుందోనని రాజకీయ వర్గాల్లో ఆసక్తికర చర్చ జరుగుతోంది.