మోడీపై పోటీకి నిజామాబాద్ పసుపు రైతులు

ప్రధానమంత్రి నరేంద్ర మోడీపై పోటీ చేయాలని నిజామాబాద్ జిల్లాకు చెందిన పసుపు రైతులు నిర్ణయం తీసుకొన్నారు. నిజామాబాద్ నుండి పసుపు రైతులు వారణాసికి బయలు దేరి వెళ్లనున్నారు.  

నిజామాబాద్: ప్రధానమంత్రి నరేంద్ర మోడీపై పోటీ చేయాలని నిజామాబాద్ జిల్లాకు చెందిన పసుపు రైతులు నిర్ణయం తీసుకొన్నారు. నిజామాబాద్ నుండి పసుపు రైతులు వారణాసికి బయలు దేరి వెళ్లనున్నారు.

ఈ నెల 11వ తేదీన నిజామాబాద్ పార్లమెంట్ స్థానానికి జరిగిన ఎన్నికల్లో 178 పసుపు రైతులు పోటీ చేశారు. పసుపు బోర్డు ఏర్పాటు, ఎర్రజొన్న రైతులు తమ సమస్యలను పరిష్కరించాలని కోరుతూ  నిజామాబాద్ ఎంపీ స్థానానికి పోటీ చేశారు.

తమ సమస్యలను పరిష్కరించాలని  నిజామాబాద్ రైతులు డిమాండ్ చేస్తున్నారు. తమ సమస్యలను దేశ ప్రజల దృష్టికి తీసుకు రావాలనే ఉద్దేశ్యంతో ప్రధానమంత్రి  నరేంద్ర మోడీ ప్రాతినిథ్యం వహిస్తున్న వారణాసి నుండి పోటీ చేయాలని  నిర్ణయం తీసుకొన్నారు.

నిజామాబాద్‌కు చెందిన రైతులు ఛలో వారణాసికి మంగళవారం నాడు శ్రీకారం చుట్టారు.  2014  ఎన్నికల్లో నరేంద్ర మోడీ  వారణాసి నుండి పోటీ చేశారు.  ఈ దఫా కూడ ఆయన మరోసారి అదే స్థానం నుండి పోటీ చేయనున్నారు. ఈ ఏడాది మే 19వ తేదీన వారణాసి ఎంపీ స్థానానికి ఎన్నికలు జరగనున్నాయి.

సంబంధిత వార్తలు