దెయ్యం వదిలిస్తానని తల్లిదండ్రులను నమ్మించి యువతిపై అత్యాచారం
By Mahesh K | First Published Oct 15, 2023, 2:50 PM ISTఉత్తరప్రదేశ్‌లో ఓ దొంగ బాబా తనను తాను ఓ కుటుంబానికి పరిచయం చేసుకుని, వారి బిడ్డపై దెయ్యం ఉన్నదని నమ్మించాడు. ఆ కుటుంబం నమ్మి బిడ్డను ఆ దొంగబాబాతో పంపింది. ఆమెను బైక్ పై తీసుకెళ్లి గుడి వెనుకాలి గదిలో రేప్ చేసి మూడు గంటలు బయట తింపాడు. ఆ యువతి తల్లిదండ్రులకు జరిగిన విషయం చెప్పడంతో తండ్రి పోలీసులకు ఫిర్యాదు చేశాడు.
లక్నో: సమాజంలో ఇప్పటికీ మూఢనమ్మకాలు కొనసాగుతూనే ఉన్నాయి. మోసగాళ్ల చేతిలో తీవ్రంగా నష్టపోతున్నారు. ఉత్తరప్రదేశ్‌కు చెందిన ఓ కుటుంబం ఇలాగే మోసపోయింది. ఓ మోసగాడు తనను ఒక మంత్రగాడిగా చెప్పుకుని, దెయ్యాలు వదిలిస్తానని నమ్మించాడు. ఆ మాటలు నమ్మిన తల్లిదండ్రులు బిడ్డను ఆయనతో పంపించారు. ఆ దుర్మార్గుడు యువతిపై లైంగికదాడికి పాల్పడ్డాడు. ఈ ఘటన యూపీలోని బదోహిలో చోటుచేసుకుంది.
మిర్జాపూర్‌కు చెందిన ఓ కుటుంబం సీతామర్హికి వచ్చింది. అక్కడ మోతీలాల్ అనే ఓ ‘స్వామి’ని కలిశారు. తనను తాను ఒక తాంత్రికుడిగా, దెయ్యలు, ప్రేతాత్మలను పారదోలుతానని నమ్మించాడు. మిర్జాపూర్ నుంచి వచ్చిన కుటుంబం ఆ మాటలు నమ్మింది. వారి 18 ఏళ్ల బిడ్డపై దెయ్యం ఉన్నదని, ఆ దెయ్యాని వదిలిస్తే ఆమె బాగుంటుందని చెప్పాడు. అంతేకాదు, వారి బిడ్డను ఆయనతో ఒంటరిగా పంపించాలని సూచించాడు. మోతీలాల్ మాటలు నమ్మిన ఆ కుటుంబం బిడ్డను ఆయనతో పంపించింది.
Latest Videos
దెయ్యం పంపించడానికి క్రతువుల కోసం రూ. 4000 ఆ కుటుంబం నుంచి లాక్కున్నాడు.
గురువారం సాయంత్రం మోతీలాల్ వద్దకు ఆ యువతిని ఆమె తండ్రి తీసుకుని వెళ్లాడు. ఆ యువతిని మోతీలాల్ తన బైక్ పై కూర్చోబెట్టుకుని దార్వాసి గ్రామంలోని ఓ గుడి వెనుకాలే ఉన్న గదిలోకి తీసుకెళ్లాడు. అక్కడే యువతిని రేప్ చేశాడు. మూడు గంటలు ఆమెను బయటకు తీసుకెళ్లాడు. తన వద్దకు మళ్లీ రేపు రావాలని, ఈ విషయాన్ని ఎవరికీ చెప్పొద్దని బెదిరించాడని పోలీసులు తెలిపారు.
Also Read: బీ ఫారాలు అందుకున్న ఆ ఇద్దరు: 51 మందికే బీఆర్ఎస్ బీ ఫారాలు(వీడియో)
బాధితురాలు తన కుటుంబానికి జరిగిన ఘటనను మొత్తం వివరించింది. ఆ తర్వాత తండ్రి మోతీలాల్ పై పోలీసులకు ఫిర్యాదు చేసినట్టు ఎస్పీ మీనాక్షి కాత్యాయన్ తెలిపారు. ఆ ఫిర్యాదు ఆధారంగా కిడ్నాప్, రేప్, చీటింగ్, బెదిరింపుల కింద కేసు ఫైల్ అయింది. యువతిపై రేప్ జరిగినట్టు మెడికల్ పరీక్షలో తేలిందని కాత్యాయన్ వివరించారు. కోర్టులో ఆమె స్టేట్‌మెంట్ తర్వాత మోతీలాల్‌ను పోలీసులు శనివారం మధ్యాహ్నం అరెస్టు చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి