చిదంబరానికి ఊరట:ఎయిర్‌సెల్ కేసులో బెయిల్ మంజూరు

మాజీ కేంద్ర మంత్రి చిదంబరానికి కోర్టులో ఊరట లభించింది. ఎయిర్ సెల్ కేసులో కోర్టు ఆయనకు బెయిల్ ఇచ్చింది.

న్యూఢిల్లీ: మాజీ కేంద్ర మంత్రి పి. చిదంబరం ఆయన తనయుడు కార్తీ చిదంబరానికి సీబీఐ ప్రత్యేక కోర్టు బెయిల్ మంజూరు చేసింది. ఇప్పటికే ఐఎఎక్స్ మీడియా కేసులో చిదంబరం అరెస్టయ్యాడు.

ఎయిర్‌సెల్ కేసులో చిదంబరానికి బెయిల్ మంజూరు చేయకూడదని సీబీఐ, ఈడీలు కోర్టులో తమ వాదనను విన్పించాయి. అయితే ఈ కేసులో సీబీఐ, ఈడీ వాదనలను కోర్టు తోసిపుచ్చుతూ చిదంబరానికి బెయిల్ మంజూరు చేసింది. మరో వైపు ఐఎఎక్స్ మీడియా కేసులో బెయిల్ కోసం చిదంబరంకు చుక్కెదురైంది.

ఐఎన్ఎక్స్ మీడియా కేసులో ముందస్తు బెయిల్ ఇవ్వడానికి ధర్మాసనం నిరాకరించింది. ఈడీ వాదనలతో ఏకీభవించిన సుప్రీం.. బెయిల్ పిటిషన్‌ను తిరస్కరించింది. బెయిల్ ఇవ్వడం కుదరదని ఆర్థిక నేరాలను భిన్న కోణంలో చూడాలని ధర్మాసనం తెలిపింది. చిదంబరం ప్రస్తుతం సీబీఐ కస్టడీలో ఉన్నారు. మరోవైపు ఈడీ కూడా ఆయనను విచారించేందుకు సిద్ధమవుతోంది. 

సంబంధిత వార్తలు