ఆర్టికల్ 370 రద్దు: లడ్దాఖ్ సమీపంలో పాక్ యుద్ద విమానాలు

జమ్మూ కాశ్మీర్ రాష్ట్రానికి స్వయంప్రతిపత్తిని కల్గించే 370 ఆర్టికల్ రద్దుతో పాక్ లడ్డాఖ్ సమీపంలో యుద్ద సామాగ్రిని తరలిస్తోంది.

శ్రీనగర్:జమ్మూ కాశ్మీర్ రాష్ట్రానికి స్వయం ప్రతిపత్తిని కల్పించే ఆర్టికల్ 370 రద్దుతో భారత్,పాకిస్తాన్ దేశాలచ మధ్య ఉద్రిక్తతలు నెలకొన్నాయి.ఈ సమస్యపై ఐక్యరాజ్యసమితి జోక్యం చేసుకోవడానికి విముఖత చూపింది. దీంతో లడ్దాఖ్ సమీపంలో పాక్ సైనిక సామాగ్రిని తరలిస్తోంది. దీంతో పెద్ద ఎత్తున అనుమానాలు వ్యక్తమౌతున్నాయి.

లడ్దాఖ్ సమీపంలోని ఫార్వర్డ్ బేస్ లకు పాక్ బలగాలు యుద్ధసామాగ్రిని తరలిస్తుండడంపై భారత్ కూడ ఓ కన్నేసింది. స్కర్ట్ ఎయిర్ బేస్ వద్ద పాక్ యుద్ద విమనాలను తరలిస్తోందని కొన్ని మీడియా సంస్థలు ప్రకటించాయి. ప్రభుత్వ వర్గాలే చెప్పినట్టుగా  ఆ మీడియా సంస్థలు కథనాలు ప్రచురించాయి.

పాకిస్తాన్ కు చెందిన మూడు సీ-130 ట్రాన్స్‌పోర్ట్ విమానాలు యుద్ద పరికరాలను స్కర్టు ఎయిర్ బేస్ కు తరలించినట్టుగా ఆ మీడియా కథనాల్లో ఉంది.పాకిస్తాన్ కదలికలను ఎప్పటికప్పుడు పరిశీలిస్తున్నట్టుగా భారత్ కూడ ప్రకటించింది.

యుద్ద సమయంలో విమనాలకు ఉపయోగించే సామాగ్రిని పాక్ తరలించినట్టుగా భారత్ అభిప్రాయపడుతోంది. జేఎఫ్-17 యుద్ద విమానాలను కూడ పాకిస్తాన్ తరలించేందుకు సన్నద్దమైందని నిఘా వర్గాలు హెచ్చరించాయి.

లడ్ధాఖ్ కు అత్యంత సమీపంలోనే పాక్ కు చెందిన స్కర్టు ఎయిర్ బేస్ ఉంటుంది. సరిహద్దులో పాక్ చేపట్టే సైనిక ఆపరేషన్స్ కు ఎక్కువగా ఈ ఎయిర్ బేస్ నే పాకిస్తాన్ ఉపయోగించుకొంటుంది. 

ఆర్టికల్ 370 రద్దు తర్వాత పాక్ పార్లమెంట్ లో ప్రసంగించే సమయంలో ఇమ్రాన్ ఖాన్ సంచలన వ్యాఖ్యలు చేసిన విషయం తెలిసిందే. పుల్వామా దాడి తరహా దాడులు మరిన్ని చోటు చేసుకొనే అవకాశం ఉందన్నారు. అంతేకాదు యుద్దం కూడ తప్పదేమోననే వ్యాఖ్యలను ఇమ్రాన్ ఖాన్ చేసిన విషయం తెలిసందే.

సంబంధిత వార్తలు

కాశ్మీర్ విషయంలో భారత్ విజయం... పాక్ కి లభించని మద్దతు

సొంత పార్టీకి షాక్.. కేంద్రం నిర్ణయానికి జైకొట్టిన కాంగ్రెస్ ఎమ్మెల్యే

లోక్‌సభలో కాశ్మీర్ విభజన బిల్లు ప్రవేశపెట్టిన అమిత్ షా