Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ మంచి కుటుంబ కథ నేపథ్యంలో కొనసాగుతూ ప్రేక్షకులను బాగా ఆకట్టుకుంటుంది. కుటుంబం పరువుతో కూడిన కాన్సెప్ట్ తో ఈ సీరియల్ కొనసాగుతుంది. ఇక ఈరోజు జనవరి 5వ ఎపిసోడ్ లో ఏం జరిగిందో తెలుసుకుందాం..
ఈరోజు ఎపిసోడ్ లో జానకి, గోవిందరాజులు కాళ్లు పట్టుకోవడానికి వెళ్తుండగా అప్పుడు జ్ఞానాంబ అడ్డుకుంటుంది. జానకి బాధపడుతూ ఉండగా అప్పుడు జ్ఞానాంబ చికిత డాక్టర్ గారు రాసిచ్చిన ఆయిల్ తీసుకొని వచ్చి ఆయన కాళ్లకు చేతులకు మర్దన చెయ్యి నేను వెళ్లి రాగి జావా చేసుకుని వస్తాను అనడంతో సరే అని అంటుంది. అప్పుడు జానకి మీరెందుకు అత్తయ్య గారు నేను తీసుకుని వస్తాను అనగా నేనే తీసుకుని వస్తాను అని అంటుంది జ్ఞానాంబ. దాంతో జానకి కన్నీళ్లు పెట్టుకుంటుంది. ఇంతలోనే చికిత అక్కడికి ఆయిల్ తీసుకొని రావడంతో నువ్వు వెళ్ళు, నేను మా మామయ్య గారికి సేవలు చేస్తాను అనగా వద్దులేమ్మా మల్లిక అని గోవిందరాజులు ఆపుతాడు.
అప్పుడు జానకి మౌనంగా నిలుచుని ఉండగా మల్లిక నువ్వు చేసిన పని వల్లే జానకి మామయ్య గారికి ఈ గతి పట్టింది అని అంటుంది. నీకు ఇంటి బాధ్యతలు అప్పగించారని ఈ ఇంటి పరువు, ఈ ఇల్లే పోయే పరిస్థితికి తీసుకువచ్చావు అని నోటికి వచ్చిన విధంగా మాట్లాడడంతో జరిగింది ఏదో జరిగిపోయింది మౌనంగా ఉండు మల్లిక అని అంటాడు గోవిందరాజులు. అప్పుడు జానకి బాధతో అక్కడి నుంచి వెళ్ళిపోతుంది. ఆ తర్వాత మల్లిక ఎలా అయినా జ్ఞానాంబను మరింత రెచ్చగొట్టాలి అనే కిచెన్ లో జ్ఞానాంబ వంట చేస్తుండగా అక్కడికి వెళుతుంది. అప్పుడు అత్తయ్య గారు ఈ పనులన్నీ మీకెందుకు నేను చేస్తాను కదా మీరు వెళ్ళండి అనడంతో పర్లేదులే మల్లిక అంటుంది.
ఆ తర్వాత గోవిందరాజులు కి దాహం అవ్వడంతో పక్కనే ఉన్న గ్లాస్ ని చూసి జ్ఞానాంబను పిలుస్తాడు. అప్పుడు ఎవరు పలకకపోవడంతో ఆ గ్లాస్ ని అందుకోవడానికి ఇబ్బంది పడుతూ ఉండగా అది చూసి జానకి మామయ్య గారు అంటూ లోపలికి పరిగెత్తుకుంటూ వెళ్తుంది. అప్పుడు జానకి మాటలు విన్న జ్ఞానాంబ అక్కడికి వస్తుంది. అప్పుడు గోవిందరాజులు కింద పడిపోకుండా రామచంద్ర పట్టుకొని నీరు తాగిస్తూ ఉంటాడు. అప్పుడు ఏం జరిగింది అనడంతో జానకి జరిగింది మొత్తం వివరిస్తుంది. అప్పుడు నాన్న మీకు ఇటువంటిది జరగకూడదని మీకోసం ఒకటి తీసుకుని వచ్చాను అని రామచంద్ర వీల్ చైర్ తీసుకొని రావడంతో అది చూసి జ్ఞానాంబ షాక్ అవుతుంది.
ఇప్పుడు ఇవన్నీ ఎందుకు అనడంతో అదేంటమ్మా ఇందాకే చూస్తావు కదా నాన్నగారి కింద పడిపోబోయారు కదా అనడంతో ఒక విధంగా మంచి పని చేశావు మీ నాన్నగారికి ఈ వయసులో ఇవ్వాల్సిన బహుమతి ఇచ్చావు అని అనగా రామచంద్ర బాధపడుతూ ఉంటాడు. అప్పుడు రామచంద్ర, జ్ఞానాంబ చేతులు పట్టుకొని కావాలంటే నన్ను కొట్టు కానీ ఇలా మాట్లాడకు అమ్మ నాకు ఎలాగో ఉంది. భరించలేకపోతున్నాను నన్ను క్షమించమ్మా అనగా జ్ఞానాంబ తన చేతిని వెనక్కి తీసుకుంటుంది. నువ్వు మీ తమ్ముని కోసం అప్పు చేసి ఉండొచ్చు కానీ నాకు చెప్పకుండా నన్ను మోసం చేశావు అంటుంది జ్ఞానాంబ. ఇప్పుడు రామచంద్ర, జానకి ఇద్దరు ఏడ్చుకుంటూ అక్కడి నుంచి వెళ్ళిపోతారు.
ఆ తర్వాత తన గదిలోకి వెళ్లిన మల్లిక జరిగిన విషయాలు తలచుకుని డాన్స్ చేస్తూ ఆనంద పడుతూ ఉంటుంది. అప్పుడు ఆ విషయాన్ని నీలావతితో పంచుకోవడానికి ఫోన్ చేసి అసలు విషయం చెప్పడంతో నీలావతి సంతోషపడుతూ ఉంటుంది. మరొకవైపు రామచంద్ర జానకి జరిగిన విషయాలు తలచుకొని ఆలోచిస్తూ బాధపడుతూ ఉంటారు. గడుగు దగ్గర పడుతోంది ఇప్పుడు ఏం చేయాలి అనగా నాకు అదే అర్థం కావడం లేదు జానకి గారు ఎంతోమందిని అడిగి చూశాను ఎవరు ఇవ్వడం లేదు అని బాధపడుతూ ఉంటాడు రామచంద్ర. అప్పుడు రామచంద్ర నా స్నేహితుడిని నమ్మి ఇచ్చాను ఇలా వాడు మోసం చేస్తాడని అనుకోలేదు అనడంతో మోసం చేసే వాళ్ళు ఎప్పుడు ఇలాగే ఉంటారు రామా గారు అని అంటుంది జానకి.
అప్పుడు పోలీస్ కేసు పెడదాము అనగా మన దగ్గర సాక్ష్యం లేదు కదా అంటుంది జానకి. కేసు పెట్టినా కూడా వాన్ని పట్టుకోవాలి వాడు నిజం చెప్పాలి అని జరగాలి అంటే కొన్ని నెలలు కూడా సమయం పడుతుంది అంటుంది జానకి. అప్పుడు జానకి అతని మీద అనుమాన పడుతూ మనకు అంత నమ్మకంగా ఉన్న వ్యక్తి ఉన్నఫలంగా మనకు కొద్దిరోజులే గడువు ఇచ్చి అలా ఫోర్స్ చేశారు అంటే అతని వెనుక ఎవరో ఉన్నారు అనడంతో రామచంద్ర ఆలోచనలో పడతాడు. మరోవైపు భాస్కర్ రావు జ్ఞానాంబ బాగా వాళ్ళ ఇంటి పత్రాలు తీసుకొని కన్నబాబు దగ్గరికి వెళ్తాడు. అవి చూసి కన్నబాబు సంతోష పడుతూ ఉంటాడు.