ఎన్టీఆర్ పై సెటైర్లు.. 1109 ఓట్లతో విజయనిర్మల ఓటమి!

సూపర్ స్టార్ కృష్ణ సతీమణి, నటి, దర్శకురాలు అయిన విజయనిర్మల మరణం చిత్ర పరిశ్రమకు తీరని లోటు. అప్పట్లోనే తన విజయనిర్మల మల్టీ టాలెంటెడ్ నటిగా సత్తా చాటారు. 

సూపర్ స్టార్ కృష్ణ సతీమణి, నటి, దర్శకురాలు అయిన విజయనిర్మల మరణం చిత్ర పరిశ్రమకు తీరని లోటు. అప్పట్లోనే విజయనిర్మల మల్టీ టాలెంటెడ్ నటిగా సత్తా చాటారు. మహిళా దర్శకురాలిగా ఆమె సాహసం చేయడమే కాదు విజయం సాధించారు కూడా. ఇక విజయనిర్మల రాజకీయాల్లో కూడా అడుగుపెట్టారు. రాజకీయాల్లో పెద్దగా సక్సెస్ కాలేకపోయినప్పటికీ ఎమ్మెల్యే అభ్యర్థిగా పోటీ చేసిన అనుభవం విజయనిర్మల సొంతం. 

స్వర్గీయ నందమూరి తారకరామారావు తెలుగుదేశం పార్టీని స్థాపించిన సమయంలో చిత్ర పరిశ్రమ మొత్తం ఆయనకు మద్దతుగా నిలిచింది. కానీ కృష్ణ, విజయనిర్మల మాత్రం వేరే మార్గాన్ని ఎంచుకున్నారు. ఎన్టీఆర్ రాజకీయాల్లోకి వచ్చిన తర్వాత ఆయనపై కృష్ణ నుంచి విమర్శనాత్మక చిత్రాలు వచ్చాయి. 

ఎన్టీఆర్ పై సెటైరికల్ గా రూపొందిన ప్రజల మనిషి, సాహసమే నా ఊపిరి చిత్రాలకు విజయనిర్మలే దర్శకురాలు కావడం విశేషం. ఈ చిత్రాల్లో కృష్ణ హీరోగా నటించారు. తనకు వ్యక్తిరేకంగా సినిమాలు తీసినా ఎన్టీఆర్ మాత్రం స్పోర్టివ్ గా తీసుకున్నారని ఓ సందర్భంలో విజయనిర్మల తెలిపారు. 

మరో విశేషం ఏంటంటే.. టిడిపి పగ్గాలు చంద్రబాబు చేతికి వచ్చిన తర్వాత విజయనిర్మల ఆ పార్టీ తరపునే 1999లో ఎమ్మెల్యే అభ్యర్థిగా కైకలూరు నుంచి పోటీ చేశారు. ఇండిపెండెంట్ అభ్యర్థి చేతిలో ఆమె 1109 ఓట్ల తేడాతో ఓటమి చెందారు. కొన్ని రోజుల తర్వాత టీడీపీకి రాజీనామా చేసి రాజకీయాల నుంచి వైదొలిగారు. ఇలా విజయనిర్మల రాజకీయాల్లో కూడా కొంతకాలం కొనసాగారు.