విజయనిర్మల పార్థివదేహం పక్కనే కంటతడితో కృష్ణ..

నటిగా దర్శకురాలిగానే కాకుండా సూపర్ స్టార్ కృష్ణ గారికి తోడుగా నిలిచి చివరివరకు మంచి భార్యగా విజయనిర్మల గుర్తింపు తెచ్చుకున్నారు. బుధవారం అర్ధరాత్రి ఆమె మరణించగానే కుటుంబ సభ్యులు హుటాహుటిన ఆమె భౌతికకాయం వద్దకు చేరుకున్నారు.

 కృష్ణ గారు కూడా సతీమణి పార్థివ దేహం వద్దనే కూర్చొని కంటతడి పెడుతుండడం అందరిని కలచివేస్తోంది. 1969 నుంచి విజయనిర్మలతో జీవితాన్ని కొనసాగిస్తున్న కృష్ణ ఏ నాడు ఆమెకు దూరంగా ఉండలేదు. ఇక నేడు ఆమె మరణించడంతో కృష్ణ తీవ్ర మనోవేదనకు లోనవుతున్నట్లు తెలుస్తోంది. 

నేడు విజయ నిర్మల భౌతికకాయాన్ని ఆమె నివాసానికి తీసుకెళ్లనున్నారు. రేపు అభిమానుల సందర్శనార్థం ఫిల్మ్ ఛాంబర్ కి తరలించి ఆ తరువాత అంత్యక్రియలు నిర్వహించనున్నారు.