గట్టిగా కౌగిలించుకొని.. కింద భాగాన్ని నొక్కాడు: సీనియర్ హీరోపై ఆరోపణలు!

సీనియర్ హీరో అర్జున్ గురించి తెలుగు, తమిళ భాషల్లో తెలియని వారుండరు. ఇండస్ట్రీలో ఆయన ఎలాంటి వివాదాల జోలికి వెళ్లడని టాక్ ఉండేది. అయితే కోలీవుడ్ హీరోయిన్ శ్రుతి హరిహరన్ అతడిపై చేసిన ఆరోపణలు షాక్ కి గురి చేశాయి.

బాలీవుడ్, కోలీవుడ్ లలో మీటూ ఉద్యమం ఉదృతంగా సాగుతోంది. చాలా మంది నటీమణులు తాము ఎదుర్కొన్న లైంగిక వేధింపుల గురించి బయటపెడుతున్నారు. తాజాగా శ్రుతి హరిహరన్ కూడా అర్జున్ తన పట్ల అసభ్యకరంగా ప్రవర్తించాడని సంచలన కామెంట్స్ చేసింది.

రెండేళ్ల క్రితం అర్జున్ హీరోగా నటించిన ఓ సినిమాలో అతడి భార్య పాత్రలో శ్రుతి నటించింది.  షూటింగ్ సమయంలో దర్శకుడు చెప్పకుండానే అర్జున్ కావాలని తనను గట్టిగా కౌగిలించుకొని, తన వీపు భాగాన్ని.. ఆ కింద భాగాన్ని వేరే భావనతో గట్టిగా నొక్కాడని ఆ సమయంలో తాను ఎంతో ఇబ్బందికి గురైనట్లు శ్రుతి సోషల్ మీడియా ద్వారా చెప్పుకొచ్చింది. 
అర్జున్ అలా చేయడం దర్శకుడు కూడా గమనించారని తెలిపింది.

అప్పుడు ఈ విషయంపై మాట్లాడలేకపోవడానికి కారణం అర్జున్ కి ఇండస్ట్రీలో ఉన్న పేరు ప్రఖ్యాతలేనని వెల్లడించింది. చిన్నప్పటినుండి ఓ నటుడిగా అతడిని అభిమానించినట్లు.. అయితే సెట్ లో అతడి నిజస్వరూపం తెలుసుకొని బాధ పడ్డానని వెల్లడించింది. మరి దీనిపై అర్జున్ ఎలా స్పందిస్తాడో చూడాలి!

ఇవి కూడా చదవండి..