అరవింద సమేతలో కించపరిచే అంశాలు లేవు: సీపీఐ నేత

స్టార్ హీరోల సినిమాలు విడుదలైతే ఎదో ఒక నెగిటివ్ కామెంట్ వైరల్ అవ్వడం ఈ రోజుల్లో కామన్ గా మారింది. మనోభావాలు దెబ్బతిన్నాయని, తమ వర్గాన్ని కించపరిచే విధంగా సినిమాను తెరక్కించారని సినిమాలపై వివాదాస్పద వ్యాఖ్యలు చాలా వస్తుంటాయి. రీసెంట్ గా అరవింద సమేతపై కూడా అదే తరహాలో ఆరోపణలు వచ్చిన సంగతి తెలిసిందే. 

యువ సంఘాలు పలువురు రాజకీయ నాయకులు సినిమాని నిషేదించాలని కామెంట్ చేశారు. ముఖ్యంగా బీజేపీ నేత విష్ణువర్ధన్ రెడ్డి సినిమా రాయలసీమ ప్రజలను కించపరిచే విధంగా ఉందని అన్నారు. అలాగే రాయలసీమ అభివృద్ధికి బీజేపీ శ్రమిస్తోందని అన్నారు. అయితే ఈ కామెంట్స్ కు సిపిఐ నేత రామకృష్ణ కౌంటర్ ఇచ్చారు. 

అరవింద సమేత సినిమాలో రాజయలసీమను కించపరిచే విధంగా ఎలాంటి అంశాలు లేవని వివరించారు. నేను రాయలసీమ వాడిని, అరవిందలో ఎలాంటి ఫ్యాక్షనిజం లేదు. ప్రశాంతత కోరుకునే వారందరితో కలిసి రాయలసీమలో ఫ్యాక్షనిజం లేకుండా చేయవచ్చనేది సినిమా సారాంశమని రాయలసీమ గురించి మాట్లాడే హక్కు బీజేపీ నేతలకు లేదని రామకృష్ణ తెలియజేశారు.

సంబంధిత వార్తలు..