మహిళలకు ఆమె స్ఫూర్తిగా నిలిచారు: పవన్ కళ్యాణ్

ప్రముఖ నటి, దర్శక-నిర్మాత విజయనిర్మల మృతిపట్ల టాలీవుడ్ స్టార్స్ సంతాపాన్ని తెలియజేస్తున్నారు. జనసేన అథినేత పవన్ కళ్యాణ్ కూడా విజయ నిర్మల మరణవార్తకు తీవ్ర దిగ్భ్రాంతికి లోనయినట్లు తెలిపారు. 

'కృష్ణ గారికి నరేష్ గారికి నా ప్రగాఢ సానుభూతిని తెలియజేస్తున్నాను. నటిగా దర్శకురాలిగా విజయనిర్మల గారి ముద్ర చేరగనిది. మీనా, హేమాహేమీలు, రామ్ రాబర్ట్ రహీమ్ లాంటి విజయవంతమైన చిత్రాలకు దర్శకత్వం వహించి ఈ విభాగంలో మహిళలు ప్రవేశించేందుకు స్ఫూర్తిగా నిలిచారు. విజయనిర్మల గారి ఆత్మకు శాంతి చేకూరాలని ప్రార్థిస్తున్నాను' అని పవన్ కళ్యాణ్ ప్రకటన ద్వారా తెలియజేశారు.

నేడు విజయ నిర్మల భౌతికకాయాన్ని ఆమె నివాసానికి తీసుకెళ్లనున్నారు. రేపు అభిమానుల సందర్శనార్థం ఫిల్మ్ ఛాంబర్ కి తరలించి ఆ తరువాత అంత్యక్రియలు నిర్వహించనున్నారు.