Joint Home Loan Benefits ఈ విషయం తెలుసా? భార్య ఇంటికి యజమాని అయితే రూ.లక్షల బెనిఫిట్స్!

ఇంటికి దీపం ఇల్లాలు అంటుంటారు. ఇంటి రుణం తీసుకునే విషయంలోనూ ఈ మాట నిజం అనిపించకమానదు. భార్యతో కలిసి ఇంటి రుణం తీసుకుంటే భారీగా కలిసి వస్తుంది. ఈఎఐ తగ్గుతుంది. 

జాయింట్ లోన్ బెనిఫిట్స్: కేంద్ర, రాష్ట్ర ప్రభుత్వాలు మహిళల భాగస్వామ్యాన్ని పెంచడానికి చాలా వాటిలో రాయితీలు ఇస్తున్నాయి. ఉదాహరణకు, మహిళల విషయంలో లోన్ నుండి స్టాంప్ డ్యూటీ వరకు రిలీఫ్ ఇస్తున్నారు. చాలా రాష్ట్రాల్లో మహిళల పేరు మీద ప్రాపర్టీ రిజిస్ట్రేషన్ చేస్తే స్టాంప్ డ్యూటీలో చాలా వరకు మినహాయింపు ఉంటుంది. దీనితో పాటు మీ భార్యతో జాయింట్ హోమ్ లోన్ తీసుకుంటే 7 లక్షల వరకు టాక్స్ ఆదా చేయవచ్చు. భార్యను యజమానురాలుగా చేస్తే ఏయే వాటిలో డబ్బులు ఆదా చేయవచ్చో తెలుసుకుందాం.

1- జాయింట్ హోమ్ లోన్

భార్యతో కలిసి మీరు జాయింట్ హోమ్ లోన్ తీసుకుంటే దీని ప్రభావం మీ EMI మీద పడుతుంది. మహిళ కో-అప్లికెంట్ అయితే మీకు లోన్ తక్కువ వడ్డీకే వస్తుంది. తక్కువ రేట్లకే లోన్ వస్తే దాని నెలవారీ వాయిదా కూడా తక్కువే ఉంటుంది. చాలా బ్యాంకులు మహిళ కో-అప్లికెంట్ అయితే హోమ్ లోన్ వడ్డీ రేటు 0.05% వరకు తగ్గిస్తాయి.

2- టాక్స్ లో భారీ ఆదా

జాయింట్ హోమ్ లోన్ తీసుకోవడం వల్ల ఇన్కమ్ టాక్స్ లో కూడా భారీ రిలీఫ్ ఉంటుంది. దీనివల్ల ఇద్దరూ వేర్వేరుగా ఇన్కమ్ టాక్స్ బెనిఫిట్ పొందవచ్చు. జాయింట్ హోమ్ లోన్ తీసుకోవడం వల్ల భార్యాభర్తలు ఇద్దరూ IT సెక్షన్ కింద 80C కింద 1.5-1.5 అంటే మొత్తం 3 లక్షల వరకు క్లెయిమ్ చేసుకోవచ్చు. దీనితో పాటు సెక్షన్ 24 కింద వడ్డీ మీద 2-2 లక్షల వరకు టాక్స్ బెనిఫిట్ పొందవచ్చు.

3- లోన్ పరిమితి

సింగిల్ లోన్ అప్లికెంట్ కి అతని ఆదాయం ప్రకారం లిమిటెడ్ లోన్ మాత్రమే వస్తుంది, కానీ జాయింట్ అప్లికెంట్ అయితే ఇద్దరి టోటల్ ఇన్కమ్ చూస్తారు. దీనివల్ల మీరు ఎక్కువ లోన్ తీసుకోవచ్చు. అయితే మీ కో-అప్లికెంట్ యొక్క అప్పు మరియు ఆదాయం రేషియో 50-60 శాతం కంటే ఎక్కువ ఉండకూడదు.

4- క్రెడిట్ స్కోర్

జాయింట్ హోమ్ లోన్ (భార్యాభర్తల పేరు మీద) తీసుకున్న తర్వాత సమయానికి EMI కడితే ఇద్దరి క్రెడిట్ స్కోర్ బాగుంటుంది. ఇది మీకు ముందు ముందు లోన్ తీసుకోవడానికి సహాయపడుతుంది. దీనితో పాటు ఒక వ్యక్తి మీద లోన్ భారం మొత్తం ఉండదు.