Andhra Pradesh

రెండు వారాల కిందట కూడా ఆత్మహత్యకు యత్నం.. కోడెల చివరి మాటలు ఇవే...

By telugu teamFirst Published Sep 16, 2019, 3:09 PM IST

Highlights

రాజకీయం కోసం కక్షకట్టి.. వైసీపీ ప్రభుత్వం వేధిస్తోందని కుటుంబ సభ్యుల వద్ద సోమవారం ఉదయం కోడెల ఆవేదన వ్యక్తం చేసినట్లు తెలిసింది. పులిలా బతికిన తాను, తలవంపులు తట్టుకోలేనని ఉదయం కూడా సన్నిహితుల వద్ద కోడెల వాపోయినట్లు సమాచారం.

టీడీపీ సీనియర్ నేత , ఆంధ్రప్రదేశ్ మాజీ స్పీకర్ కోడెల శివప్రసాదరావు సోమవారం ఉదయం ఆత్మహత్య చేసుకున్న సంగతి తెలిసిందే. కాగా... ఆయన మృతిపట్ల కుటుంబసభ్యులు కన్నీరు మున్నీరుగా విలపిస్తున్నారు. వైసీపీ వేధింపులు తట్టుకోలేకే ఆయన ఆత్మహత్య చేసుకున్నారంటూ ఆయన కుటుంబసభ్యులు, టీడీపీ నేతలు ఆరోపిస్తున్నారు.

కాగా... ఈ విషయం గురించి ఆయన ఆత్మహత్యకు ముందు తన కుటుంబసభ్యుల వద్ద ప్రస్తావించినట్లు తెలుస్తోంది. రాజకీయం కోసం కక్షకట్టి.. వైసీపీ ప్రభుత్వం వేధిస్తోందని కుటుంబ సభ్యుల వద్ద సోమవారం ఉదయం కోడెల ఆవేదన వ్యక్తం చేసినట్లు తెలిసింది. పులిలా బతికిన తాను, తలవంపులు తట్టుకోలేనని ఉదయం కూడా సన్నిహితుల వద్ద కోడెల వాపోయినట్లు సమాచారం.

కొన్ని రోజులుగా కోడెల తీవ్ర మానసిక వేదనతో ఉన్నారని ఆయన సన్నిహితులు చెప్పారు. ఇదిలా ఉంటే.. రెండు వారాల కిందట కూడా కోడెల నిద్రమాత్రలు మింగి ఆత్మహత్యకు యత్నించినట్లు తెలిసింది.సకాలంలో కుటుంబసభ్యులు గుర్తించడంతో అప్పట్లో ముప్పు తప్పిందని సన్నిహితులు తెలిపారు.

మానసికంగా డీలాపడి, ప్రభుత్వం చేస్తున్న వేధింపుల గురించే కుటుంబ సభ్యులతో కోడెల చివరిగా మాట్లాడినట్లు తెలిసింది. ఉదయం ఏడున్నర సమయంలో కోడెల ఉరేసుకున్నారని, బట్టలు ఆరేసే తాడుతో.. బెడ్ రూమ్‌లో ఉరేసుకున్నారని ప్రాథమిక సమాచారం.

రెండు వారాల కిందట కూడా ఆత్మహత్యకు యత్నం.. కోడెల చివరి మాటలు ఇవే...

Related Posts