ఛైర్మెన్ గా పనిచేసిన ఆసుపత్రిలోనే కోడెల తుది శ్వాస

గుంటూరు జిల్లాకు చెందిన కోడెల శివప్రసాదరావు బసవతారకం క్యాన్సర్ ఆసుపత్రికి ఛైర్మెన్ గా పనిచేశారు. 

హైదరాబాద్: హైద్రాబాద్‌లోని బసవతారకం ఆసుపత్రికి ఛైర్మెన్గా కోడెల శివప్రసాదరావు పనిచేశారు. ఇదే ఆసుపత్రిలో ఆయన చికిత్స పొందుతూ మృతి చెందారు.

హైద్రాబాద్‌లోని బసవతారకం ఆసుపత్రిలో డాక్టర్ కోడెల శివప్రసాదరావు ఛైర్మెన్ గా పనిచేశారు. 2014  ఎన్నికల వరకు ఆయన ఈ ఆసుపత్రికి ఛైర్మెన్ గా ఉన్నారు.
ఎన్నికలకు ముందే కోడెల శివప్రసాదరావు ఆసుపత్రి ఛైర్మెన్య బాధ్యతల నుండి తప్పుకొన్నారు. ప్రస్తుతం బసవతారకం ఆసుపత్రికి హిందూపురం ఎమ్మెల్యే బాలకృష్ణ ఛైర్మెన్ గా పనిచేస్తున్నారు.

కోడెల ఛైర్మెన్ గా ఉన్న సమయంలో బసవతారకం క్యాన్సర్ ఆసుపత్రిలో సిబ్బందికి వేతనాలు చెల్లించలేని పరిస్థితి కూడ నెలకొంది. ఈ సమయంలో కోడెల శివప్రసాదరావు ఈ బాధ్యతల నుండి తప్పుకోవాల్సి వచ్చింది.

ఎన్టీఆర్ సతీమణి బసవతారకం క్యాన్సర్ తో మృతి చెందింది. దీంతో క్యాన్సర్ ఆసుపత్రిని ఏర్పాటు చేయాలని ఎన్టీఆర్ భావించారు. ఆ సమయంలో కోడెల శివప్రసాదరావు ఎన్టీఆర్ కు ఈ ఆసుపత్రి ఏర్పాటులో కీలకపాత్ర పోషించారు.

సంబంధిత వార్తలు