చనిపోయేంత వరకు వైసీపీ ప్రభుత్వం వెంటాడి వేధించింది: సోమిరెడ్డి

కోడెల మెడపై గాట్లు ఉన్నాయని, ఆత్మహత్యగా భావిస్తున్నట్లు సోమిరెడ్డి స్పష్టం చేశారు. కోడెల బాధ్యతలు నిర్వహించిన బసవతారకం ఆస్పత్రిలోనే ఆయన మృతిచెందడం బాధాకరమని సోమిరెడ్డిరెడ్డి చంద్రమోహన్ రెడ్డి విచారం వ్యక్తం చేశారు.

నెల్లూరు: ఏపీ మాజీ స్పీకర్ డాక్టర్ కోడెల శివప్రసాదరావు మృతిచెందడంపై విచారం వ్యక్తం చేశారు మాజీమంత్రి సోమిరెడ్డి చంద్రమోహన్ రెడ్డి. వైసీపీ ప్రభుత్వం వేధింపుల వల్లే కోడెల మరణించారని ఆరోపించారు. చనిపోయేంతవరకు వైసీపీ ప్రభుత్వం వెంటాడి వేధించిందంటూ ఆగ్రహం వ్యక్తం చేశారు. 

కోడెల మెడపై గాట్లు ఉన్నాయని, ఆత్మహత్యగా భావిస్తున్నట్లు సోమిరెడ్డి స్పష్టం చేశారు. కోడెల బాధ్యతలు నిర్వహించిన బసవతారకం ఆస్పత్రిలోనే ఆయన మృతిచెందడం బాధాకరమని సోమిరెడ్డిరెడ్డి చంద్రమోహన్ రెడ్డి విచారం వ్యక్తం చేశారు.

ఇకపోతే మాజీ శాసన సభాపతి కోడెల శివప్రసాదరావు సోమవారం ఉదయం హైదరాబాద్ లోని తన నివాసంలో అనుమానాస్పదంగా మృతి చెందారు. ఉరివేసుకుని ఆత్మహత్య చేసుకున్నారా లేక గుండెపోటుతో మరణించారా అన్న అంశంపై పోలీసులు ఆరా తీస్తున్నారు. అయితే ప్రస్తుతానికి అనుమానాస్పదంగా కేసుగా నమోదు చేశారు. 

ఈ వార్తలు కూడా చదవండి