జయరాం హత్య కేసు: కబాలీ ప్రొడ్యూసర్ చేతికి శిఖా చౌదరి కారు

ఎన్నారై చిగురుపాటి జయరాం హత్య కేసు పలు మలుపులు తిరుగుతోంది. జయరాం హత్య కేసులో కీలక పాత్రధారిగా భావిస్తున్న ఆయన మేనకోడలు శిఖా చౌదరి తమ అదుపులో లేదని ఎస్పీ త్రిపాఠీ చెబుతున్నారు. 

హైదరాబాద్: ఎన్నారై చిగురుపాటి జయరాం హత్య కేసు పలు మలుపులు తిరుగుతోంది. జయరాం హత్య కేసులో కీలక పాత్రధారిగా భావిస్తున్న ఆయన మేనకోడలు శిఖా చౌదరి తమ అదుపులో లేదని ఎస్పీ త్రిపాఠీ చెబుతున్నారు. ఆమెను నందిగామ రూరల్ పోలీసు స్టేషన్ కంచికర్లలో విచారిస్తున్నట్లు వార్తలు వచ్చాయి. 

కాగా, శిఖా చౌదరిని కలవడానికి కబాలీ నిర్మాత వచ్చినట్లు వార్తలు వస్తున్నాయి. కబాలీ నిర్మాతకు పోలీసులు శిఖా చౌదరి కారును అప్పగించారని ప్రముఖ తెలుగు టీవీ చానెల్ ఎన్టీవీలో వార్తలు వచ్చాయి. అయితే, జయరాంను హైదరాబాదులోనే హత్య చేసినట్లు అనుమానిస్తున్నారు.

హైదరాబాదులో చంపేసి ఆంధ్రప్రదేశ్ రాష్ట్ర పరిధిలో జయరాం శవాన్ని కారులో పడేసినట్లు వార్తలు వస్తున్నాయి. పథకంలో భాగంగానే తెలంగాణలో చంపేసి శవాన్ని ఆంధ్రప్రదేశ్ రాష్ట్రంలో వదిలేసినట్లు చెబుతున్నారు.

హత్య చేసిన తర్వాత కారులో తీసుకుని వెళ్లినట్లు భావిస్తున్నారు. 24 గంటల పాటు శవాన్ని ఎక్కడ దాచారనేది తెలియడం లేదు. జయరాం హత్య కేసు విషయంలో భారీగా డీల్ నడిచినట్లు ఆరోపణలు వస్తున్నాయి. 

సంబందిత వార్తలు