అరకు ఘటన: గన్‌మెన్లతో సర్వేశ్వరావు చివరి మాటలివే....

మావోయిస్టులపై కాల్పులు జరపొద్దని అరకు ఎమ్మెల్యే కిడారి సర్వేశ్వరరావు సూచన మేరకు గన్‌మెన్లు మావోలపై కాల్పులు జరపకుండా ఉన్నారని సమాచారం.

అరకు: మావోయిస్టులపై కాల్పులు జరపొద్దని అరకు ఎమ్మెల్యే కిడారి సర్వేశ్వరరావు సూచన మేరకు గన్‌మెన్లు మావోలపై కాల్పులు జరపకుండా ఉన్నారని సమాచారం. ఈ ఘటనపై పోలీసు ఉన్నతాధికారులు సమాచారాన్ని సేకరించారు. ఈ ఘటనలో ప్రత్యక్షసాక్షుల నుండి పోలీసు ఉన్నతాధికారులు సమాచారాన్ని సేకరించినట్టు తెలుస్తోంది.

గ్రామదర్శిని కార్యక్రమంలో పాల్గొనేందుకు వెళ్తుండగా  లిప్పిటిపుట్టు  వద్ద   మావోయిస్టులు  ఆదివారం నాడు అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివిరి సోమలను కాల్చి చంపారు.

ఈ ఘటనకు సంబంధించిన సమాచారాన్ని పోలీసులు  సేకరిస్తున్నారు.  లిప్పిటిపుట్టు వద్దకు ఎమ్మెల్యే వాహనం చేరుకోగానే  మావోయిస్టులు చుట్టుముట్టారు.  అయితే మావోలు తుపాకులు ఎక్కుపెట్టడంతో  గన్‌మెన్లు  కూడ తమ ఆయుధాలతో సిద్దంగా ఉన్నారు. ఈ తరుణంలో మావోయిస్టులతో తాను మాట్లాడుతానని గన్‌మెన్లను  సర్వేశ్వరరావు చెప్పారని సమాచారం.

తుపాకులను గురిపెట్టకూడదని గన్‌మెన్లకు సర్వేశ్వరరావు సూచించినట్టు తెలుస్తోంది.  తాను మావోలతో మాట్లాడుతానని సర్వేశ్వరరావు గన్‌మెన్లకు సూచించినట్టు సమాచారం.  ఒకవేళ కాల్పులు జరిపితే   ఇబ్బందులు ఎదురయ్యే అవకాశం ఉందని సర్వేశ్వరరావు అభిప్రాయపడినట్టు తెలుస్తోంది. ఈ కారణంగానే గన్‌మెన్లు  ఫైరింగ్ ఓపెన్  చేయలేదని  సమాచారం. 

మావోయిస్టులు మాట్లాడేందుకు ఎమ్మెల్యే సర్వేశ్వరరావు, మాజీ ఎమ్మెల్యే  సివిరి సోమలను  తీసుకెళ్లే సమయంలో  ఏదైనా జరిగితే ఇద్దరితోనే అయిపోతోంది... కాల్పులు జరిపితే  అందరికి ఇబ్బందిద అవుతోందని సర్వేశ్వరరావు  గన్‌మెన్లను వారించారని సమాచారం. ఈ ఘటన జరిగిన సమయంలో ఎమ్మెల్యే, మాజీ ఎమ్మెల్యే ల వాహానాల్లో  ఎవరెవరు ఉన్నారు.. ఎంతమంది ఆ వాహనాల్లో ప్రయాణం చేశారనే విషయమై కూడ పోలీసులు ఆరా తీశారు. 

అరకు దాటిన తర్వాత ఎవరైనా ఈ వాహనాల్లో ఎక్కారా.... సంఘటన స్థలంలో ఏం జరిగిందనే విషయమై కూడ  పోలీసులు ప్రత్యక్షసాక్షుల నుండి  సమాచారాన్ని సేకరించినట్టు తెలుస్తోంది.

సంబంధిత వార్తలు