నాన్న తీవ్ర మానసిక ఒత్తిడిలో ఉన్నారు: కోడెల కూతురు విజయలక్ష్మి

ఏపీ అసెంబ్లీ మాజీ స్పీకర్ కోడెల శివప్రసాదరావు ఆత్మహత్యపై ఆయన కూతురు విజయలక్ష్మి పోలీసులకు స్టేట్ మెంట్ ఇచ్చారు. 

హైదరాబాద్: మా నాన్న చాలా ఒత్తిడిలో ఉన్నారని ఏపీ అసెంబ్లీ మాజీ స్పీకర్ కోడెల శివప్రసాదరావు కూతురు విజయలక్ష్మి చెప్పారు.

  ఏపీ రాష్ట్రంలో వైఎస్ఆర్‌సీపీ  అధికారంలోకి వచ్చిన తర్వాత వరుసగా కోడెల కుటుంబంపై కేసులు నమోదయ్యాయి. దీంతో ఆయన తీవ్ర మానసిక ఒత్తిడికి గురైనట్టుగా ఆయన సన్నిహితులు చెబుతున్నారు.

మా నాన్న మృతిపై ఎలాంటి అనుమానాలు లేవని కోడెల కూతురు విజయలక్ష్మి పోలీసులకు స్టేట్‌మెంట్ ఇచ్చినట్టుగా సమాచారం. అమ్మను ఆసుపత్రికి తీసుకెళ్లేందుకు గాను  తాను రెడీ అవుతున్నాను.. ఆ సమయంలో నాన్న కింది ఫ్లోర్‌ నుండి తన గదిలోకి వెళ్లినట్టుగా ఆమె గుర్తు చేసుకొన్నారు.

అరగంట దాటినా కూడ నాన్న రాకపోవడంతో తాను కూడ పైకి వెళ్లినట్టుగా ఆమె చెప్పారు. తాను పైకి వెళ్లే సమయానికే నాన్న ఫ్యాన్‌కు ఉరేసుకొని ఆత్మహత్య చేసుకొన్నట్టుగా విజయలక్ష్మి పోలీసులకు వివరించారు.

నాన్నపై నమోదైన కేసులు చోటు చేసుకొంటున్న అవమానాలతో నాన్న తీవ్ర అవమానాలకు గురైనట్టుగా  విజయలక్ష్మి పోలీసులకు వివరించారు. నాన్న ఎలాంటి సూసైడ్ నోట్ రాయలేదని విజయలక్ష్మి చెప్పారు.

సంబంధిత వార్తలు