అధికారిక లాంఛనాలతో కోడెల అంత్యక్రియలు: సీఎం జగన్ ఆదేశం

ఆంధ్రప్రదేశ్ తొలి స్పీకర్, టీడీపీ సీనియర్‌ నేత కోడెల శివప్రసాదరావు అంత్యక్రియలు అధికార లాంఛనాలతో నిర్వహించాలని ముఖ్యమంత్రి వైఎస్‌ జగన్‌ ఆదేశించారు. ఈ మేరకు ప్రభుత్వ ప్రధాన కార్యదర్శి ఎల్వీ సుబ్రహ్మణ్యంకు ఆదేశాలు జారీ చేశారు.  

అమరావతి: ఆంధ్రప్రదేశ్ తొలి స్పీకర్, టీడీపీ సీనియర్‌ నేత కోడెల శివప్రసాదరావు అంత్యక్రియలు అధికార లాంఛనాలతో నిర్వహించాలని ముఖ్యమంత్రి వైఎస్‌ జగన్‌ ఆదేశించారు. ఈ మేరకు ప్రభుత్వ ప్రధాన కార్యదర్శి ఎల్వీ సుబ్రహ్మణ్యంకు ఆదేశాలు జారీ చేశారు.  

అధికారిక లాంఛనాలతో కోడెల శివప్రసాదరావు అంత్యక్రియలు నిర్వహించనున్నట్లు సీఎస్ ఎల్వీ సుబ్రహ్మణ్యం స్పష్టం చేశారు. ఇకపోతే కోడెల శివప్రసాదరావు పార్థీవ దేహాన్ని హైదరాబాద్‌ నుంచి నరసరావుపేటకు తరలిస్తున్నారు. 

గుంటూరు చేరుకున్న తర్వాత కోడెల భౌతికదేహాన్ని మధ్యాహ్నాం వరకు టీడీపీ రాష్ట్ర కార్యాలయంలో ఉంచుతారు. అనంతరం సాయంత్రం నరసరావుపేటలో అంత్యక్రియలు నిర్వహించనున్నారు. 

ఇకపోతే మాజీ స్పీకర్ కోడెల శివప్రసాదరావు సోమవారం హైదరాబాద్ లోని తన నివాసంలో ఆత్మహత్యకు పాల్పడ్డారు. కోడెల శివప్రసాదరావుది ఆత్మహత్యేనని ఫోరెన్సిక్ నివేదికలో స్పష్టం చేశారు వైద్యులు. అయితే పోలీసులు అనుమానాస్పద మృతిగా కేసు నమోదు చేసిన విషయం తెలిసిందే. 

ఈ వార్తలు కూడా చదవండి