Andhra Pradesh

నాడు హరికృష్ణ, నేడు కోడెల: చంద్రబాబుపై ఏపీ మంత్రి సంచలన ఆరోపణలు

By Nagaraju penumalaFirst Published Sep 17, 2019, 1:11 PM IST

Highlights

దివంగత సీఎం ఎన్టీఆర్ ను సైతం ఇలాగే వెన్నుపోటు పొడిచి శవరాజకీయాలు చేసింది ఎవరో ప్రజలందరికీ తెలుసునన్నారు. ఆనాడు ఎన్టీఆర్ నిన్న హరికృష్ణ నేడు కోడెల శివప్రసాదరావు ఇలా ఎంతోమందిని మానసికంగా వేధించింది చంద్రబాబు నాయుడు కాదా అని నిలదీశారు.

అమరావతి: ఆంధ్రప్రదేశ్ మాజీ ముఖ్యమంత్రి చంద్రబాబు నాయుడుపై నిప్పులు చెరిగారు మంత్రి కొడాలి నాని. మనుషులను పద్దతి ప్రకారం మానసికంగా చంపి రాజకీయాలు చేయడంలో చంద్రబాబు దిట్ట అంటూ మండిపడ్డారు. 

పల్నాటి పులి అయిన కోడెల శివప్రసాదరావుని జిత్తులుమారి నక్క అయిన చంద్రబాబు నాయుడు నక్క వినయాలతో చంపేశారని ఆరోపించారు. చంద్రబాబు నాయుడు దూరం పెట్టడంతోనే కోడెల చనిపోయాడని ఆరోపించారు. కోడెలను మెుదటి నుంచి వేధిస్తున్న చంద్రబాబు చివరకు ఇలా వదిలించుకున్నారంటూ మండిపడ్డారు. 

గతంలో తెలుగుదేశం పార్టీ వ్యవస్థాపక అధ్యక్షుడు, దివంగత సీఎం ఎన్టీఆర్ ను సైతం ఇలాగే వెన్నుపోటు పొడిచి శవరాజకీయాలు చేసింది ఎవరో ప్రజలందరికీ తెలుసునన్నారు. ఆనాడు ఎన్టీఆర్ నిన్న హరికృష్ణ నేడు కోడెల శివప్రసాదరావు ఇలా ఎంతోమందిని మానసికంగా వేధించింది చంద్రబాబు నాయుడు కాదా అని నిలదీశారు.

దివంగత సీఎం ఎన్టీఆర్ ను గొప్పగా పొగిడి అనంతరం ఆయనను పదవి నుంచి దించేసి ఆయన చావుకు కారణమైంది చంద్రబాబు నాయుడేనని అందరికీ తెలుసునన్నారు. ఎన్టీ రామారావు చనిపోయినప్పుడు శవం పక్కనే కూర్చుని దొంగ ఏడుపులు ఏడ్చి రాష్ట్రంలో ఏదో జరిగిపోతుంది, అభివృద్ధి ఆగిపోతుందంటూ నానా హంగామా చేసి శవయాత్రలో పాల్గొంది చంద్రబాబు నాయుడేనన్నారు. 

తన తండ్రి ఎన్టీఆర్ ఎలా చనిపోయారో తెలియాలంటూ సీబీఐ విచారణకు డిమాండ్ చేస్తూ ఆయన తనయుడు దివంగత నేత నందమూరి హరికృష్ణ మంత్రి పదవికి రాజీనామా చేస్తే సీబీఐ విచారణ ఎందుకు వేయలేదో అందరికీ తెలుసునన్నారు. ఆ తర్వాత హరికృష్ణకు మంత్రి పదవి ఇవ్వలేదు సరికదా పార్టీ నుంచి వెళ్లగొట్టవు అంటూ తీవ్ర వ్యాఖ్యలు చేశారు మంత్రి కొడాలి నాని. 

హరికృష్ణ రోడ్డుప్రమాదంలో చనిపోయిన తర్వాత వెంటనే పక్కన చేరిపోయారంటూ మండిపడ్డారు. హరికృష్ణ శవయాత్రలో హరికృష్ణ పార్థీవ దేహం కంటే చంద్రబాబే ఎక్కువ కనిపించారని మండిపడ్డారు. అంతేకాదు మెుసలి కన్నీరు కారుస్తూ లబ్ధిపొందాలని ప్రయత్నించారంటూ తిట్టిపోశారు.   

ప్రస్తుతం కోడెల శివప్రసాదరావు విషయంలో కూడా అలానే చంద్రబాబు నాయుడు వ్యవహరించారని ఆరోపించారు. కోడెలను వైసీపీ ప్రభుత్వం వేధిస్తోందని ఏనాడు చంద్రబాబు మాట్లాడలేదని కోడెల శివప్రసాదరావే బయటకు వచ్చి ఆయనే సమాధానం ఇవ్వాల్సిన దుస్థితి తీసుకువచ్చారని ఆరోపించారు. 

కోడెల శివప్రసాదరావు ఆత్మహత్య చేసుకున్న నాలుగు గంటల వరకు చంద్రబాబు నాయుడు నోరు విప్పలేదన్నారు. పోలీసుల కోడెల గదిని తనిఖీ చేసి ఎలాంటి సూసైడ్ నోట్ లభించలేదని తెలిసిన తర్వాత పల్నాటి పులి అంటూ మెుసలి కన్నీరు కారుస్తున్నారంటూ మండిపడ్డారు. 

ఈ వార్తలు కూడా చదవండి

tags

• kodali nani
• ap minister
• ysr congress party
• chandrababu naidu
• tdp

Related Posts

జగన్ చేసే ప్రతిపనికీ చంద్ర‌బాబు మోకాలడ్డు..

'పాతికేళ్ల క్రితం ఇచ్చిన కోటి ఉద్యోగాల హామీ ఏమైంది?': చంద్రబాబుపై వైసీపీ దాడి..

ఏపీలో ప్రధాని మోడీ సుడిగాలి పర్యటన.. ఏ ఏ నియోజకవర్గాల్లోనే ప్రచారం చేయనున్నరంటే..?  

'పవన్ కళ్యాణ్ లో ఓటమి భయం.. అందుకే ప్రచారం అలా..'

మౌత్ టాక్ మల్లిగాళ్ళు మళ్ళీ వచ్చారు.. టీడీపీ తీరే అది.. వైకాపా

Read More