కేసీఆర్ బెజవాడలో దాకున్న విషయం మరచిపోకు, నీ కేసులు బయటకు తీస్తాం

తెలంగాణ సీఎం కేసీఆర్ పై ఏపీ భారీ నీటిపారుదల శాఖ మంత్రి దేవినేని ఉమా మహేశ్వరరావు నిప్పులు చెరిగారు. చంద్రబాబు నాయుడుపై కేసీఆర్ చేసిన వ్యాఖ్యలను ఖండించిన దేవినేని ఉమ కేసీఆర్ పై తీవ్ర స్థాయిలో విరుచుకుపడ్డారు. 

అమరావతి: తెలంగాణ సీఎం కేసీఆర్ పై ఏపీ భారీ నీటిపారుదల శాఖ మంత్రి దేవినేని ఉమా మహేశ్వరరావు నిప్పులు చెరిగారు. చంద్రబాబు నాయుడుపై కేసీఆర్ చేసిన వ్యాఖ్యలను ఖండించిన దేవినేని ఉమ కేసీఆర్ పై తీవ్ర స్థాయిలో విరుచుకుపడ్డారు. 

కేసీఆర్ ఓ చవట, పనికిమాలిన దద్దమ్మ, లఫంగి అంటూ తిట్టిపోశారు. డబ్బు మదంతో అధికారం తలకెక్కి కేసీఆర్ సోయ లేకుండా మాట్లాడుతున్నాడంటూ విరుచుకుపడ్డారు. బాధ్యతగల ముఖ్యమంత్రి స్థానంలో ఉండి గెలిచానన్న అహంకారంతో ఎగిరెగిరిపడుతున్నావ్ అంటూ విమర్శించారు. 

నీకు రాజకీయ భిక్ష పెట్టిన చంద్రబాబు నాయుడుపై అనుచిత వ్యాఖ్యలు చేస్తావా అంటూ నిలదీశారు. దొంగనోటు కేసులో జైలుకెళ్లబోతున్న నిన్ను కాపాడి మంత్రిని చేసిన విషయం మరచిపోయావా అంటూ నిలదీశారు. 

రిటర్న్ గిఫ్ట్ ఇస్తా రిటర్న్ గిఫ్ట్ ఇస్తానంటున్న కేసీఆర్ దమ్ముంటే ఇవ్వాలన్నారు. అంతేకానీ అదిగో ఇస్తా అద్భుతంగా ఇస్తానంటూ బెదిరిస్తే బెదిరిపోయేవాళ్లు ఎవరూ లేరన్నారు. కేసీఆర్ నీకు కాదు కదా నీ బాబుకు కూడా భయపడేవారు ఎవరూ లేరని ఘాటుగా విమర్శించారు. 

రాజకీయంగా నీ అభివృద్ధికి సహకరించిన చంద్రబాబుపై ఇష్టం వచ్చినట్లు మాట్లాడతావా అంటూ విరుచుకుపడ్డారు. తిన్నంటి వాసాలు లెక్కపెడుతున్న కేసీఆర్ రాజకీయాల్లో మిడిసిపాటు తగదని హితవు పలికారు. రాజకీయాల్లో అసభ్య  పదజాలం సరికాదన్నారు. 

కేసీఆర్ గతాన్ని గుర్తుకు తెచ్చుకుంటే మంచిదని సూచించారు. ఒకప్పుడు నక్సలైట్లకు భయపడి బెజవాడ వచ్చి దాక్కుంది గుర్తులేదా అని దేవినేని ఉమ ప్రశ్నించారు. తాను హైదరాబాద్ వెళ్లనని బెజవాడలోనే ఆటో తిప్పుకుని బతుకుతానన్నది మరచిపోతే ఎలా అంటూ నిలదీశారు. 

ఏదోకాలం కలిసి వచ్చింది రెండోసారి సీఎం అయ్యావ్ అధికారంతో మిడిసిపడుతున్నావ్ అంటూ మండిపడ్డారు. ఓటుకు నోటు కేసులో ఏదో పీకుతానని బెదిరిస్తున్నావ్ ఏం పీకుతావ్ పీక్కో అంటూ సవాల్ విసిరారు. 

ఈ వార్తలు కూడా చదవండి