జయరామ్ హత్య కేసు: కబాలీ తెలుగు సినీ నిర్మాత కేపీ చౌదరి ఆసక్తికరం

 జయరామ్ హత్య కేసులో  తనకు ఎలాంటి సంబంధం లేదని  శిఖా చౌదరి చెబుతున్నారని  కబాలీ సినిమా తెలుగు ప్రొడ్యూసర్ కేపీ చౌదరి చెప్పారు. 

అమరావతి: జయరామ్ హత్య కేసులో  తనకు ఎలాంటి సంబంధం లేదని  శిఖా చౌదరి చెబుతున్నారని  కబాలీ సినిమా తెలుగు ప్రొడ్యూసర్ కేపీ చౌదరి చెప్పారు. విజయవాడ పోలీసుల అదుపులో ఉన్న శిఖా చౌదరిని కలిసిన తర్వాత  కేపీ చౌదరి ఆదివారం నాడు కూడ కొన్ని తెలుగు న్యూస్ ఛానెల్స్‌తో మాట్లాడారు.

శిఖా చౌదరిని  తన కారులోనే పోలీస్‌స్టేషన్‌కు తీసుకొచ్చారని కేపీ చౌదరి చెప్పారు. తన కారును  శనివారం సాయంత్రమే తీసుకెళ్లినట్టు చెప్పారు. ఈ కేసులో తనకు ఎలాంటి సంబంధం లేదని  శిఖా చెప్పారని ఆయన చెప్పారు. మరో వైపు శిఖా తల్లి కూడ ఇదే విషయాన్ని తనతో చెప్పారన్నారు. శిఖాతో, జయరాం చాలా ప్రేమగా ఉండేవారని ఆమె తల్లి తనకు చెప్పారని ఆయన గుర్తు చేసుకొన్నారు.

జయరామ్‌ను శిఖా చంపించే అవకాశం ఉండదని శిఖా తల్లి చెప్పారని ఆయన చెప్పారు. అయితే రాకేష్ రెడ్డి  శిఖా చౌదరికి ఒకప్పటి ఫ్రెండ్‌గానే తనకు మీడియాలో వచ్చిన వార్తల ద్వారా తెలిసిందన్నారు. 

జయరామ్  హత్య గురించిన సమాచారాన్ని మీడియాలో చూసిన తాను శిఖాకు ఫోన్ చేస్తే  ఈ విషయమై తనకు తెలిసిన సమాచారాన్ని పోలీసులకు ఇస్తానని శిఖా చౌదరి చెప్పారు. రాకేష్ రెడ్డి  ఎవరో తనకు తెలియదని కేపీ చౌదరి చెప్పారు. శిఖా చౌదరి తనను అన్నయ్య అని పిలుస్తోందని ఆయన చెప్పారు.

సంబంధిత వార్తలు