అసెంబ్లీ ఫర్నీచర్ మాయం కేసులో దోషులను వదలొద్దు : కోడెలపై పురంధేశ్వరి ఫైర్

ఫర్నిచర్‌ మాయమైన ఘటనపై విచారణ చేపట్టాలని డిమాండ్ చేశారు. అసెంబ్లీ నుంచి పక్కదారి పట్టిన ఫర్నిచర్‌ విషయంపై పోలీసులు నిష్పక్షపాతంగా విచారణ జరపాలని కోరారు. ఫర్నీచర్ తరలింపుకు సంబంధించి కారణమైన దోషులు ఎవరైనా సరే వారిని కఠినంగా శిక్షించాలని డిమాండ్‌ చేశారు. 

అమరావతి: ఆంధ్రప్రదేశ్‌ మాజీస్పీకర్‌ కోడెల శివప్రసాదరావుపై ఆగ్రహం వ్యక్తం చేశారు మాజీకేంద్రమంత్రి, బీజేపీ మహిళా మోర్చా అధ్యక్షురాలు దగ్గుబాటి పురంధేశ్వరి. అసెంబ్లీ ఫర్నీచర్ ను స్పీకర్ స్థానంలో ఉంటూ తన ఇంటికి తరలించి అప్రతిష్టపాల్జేశారని విమర్శించారు. 

ఫర్నిచర్‌ మాయమైన ఘటనపై విచారణ చేపట్టాలని డిమాండ్ చేశారు. అసెంబ్లీ నుంచి పక్కదారి పట్టిన ఫర్నిచర్‌ విషయంపై పోలీసులు నిష్పక్షపాతంగా విచారణ జరపాలని కోరారు. ఫర్నీచర్ తరలింపుకు సంబంధించి కారణమైన దోషులు ఎవరైనా సరే వారిని కఠినంగా శిక్షించాలని డిమాండ్‌ చేశారు. 

మరోవైపు వైయస్ఆర్ కాంగ్రెస్ పార్టీ ప్రభుత్వానికి కేంద్రం అన్నివిధాలా అండగా ఉంటుందని తెలిపారు. ఏపీ అభివృద్ధికి కేంద్రం కట్టుబడి ఉందని స్పష్టం చేశారు. ఏపీకి ప్రత్యేక హోదాకు బదులుగా ప్రత్యేక ప్యాకేజీ ఇచ్చామని దగ్గుబాటి పురంధేశ్వరి స్పష్టం చేశారు. 

ఈ వార్తలు కూడా చదవండి