కోడెల హత్యకు ఆ నలుగురే కారణం: యనమల సంచలన వ్యాఖ్యలు

27 ఏళ్లు ఎమ్మెల్యేగా, 37 ఏళ్ల రాజకీయ జీవితం గడిపిన కోడెల ప్రాణాలను జగన్‌ ప్రభుత్వం, వైసీపీ నేతలే బలి తీసుకున్నారంటూ ఆగ్రహం వ్యక్తం చేశారు. కోడెల బలవన్మరణానికి వైసీపీ నేతలే బాధ్యత వహించాలని డిమాండ్ చేశారు. 

అమరావతి: ఏపీ అసెంబ్లీ మాజీ శాసన సభాపతి కోడెల శివప్రసాదరావు ఆత్మహత్యకు కారణం వైసీపీ నేతల కుట్రే కారణమని ఆరోపించారు మాజీమంత్రి, టీడీపీ సీనియర్ నేత యనమల రామకృష్ణుడు. వైసీపీ నేతలు, ప్రభుత్వం, పోలీసులు, సాక్షి మీడియాయే కోడెల ఆత్మహత్యకు ప్రధాన కారమని ఆరోపించారు. 

కోడెల ఆత్మహత్యను రాజకీయం చేసేందుకు వైసీపీ ప్రయత్నించిందని ఆరోపించారు. విదేశాల్లో ఉన్న కొడుకే చంపాడని వైసీపీ నేత సాయితో ఫిర్యాదు చేయించడం దారుణమన్నారు. మంత్రి బొత్స వ్యాఖ్యలు, సాయి ఫిర్యాదు చూస్తే రెండూ ఒకే రకంగా ఉన్నాయని యనమల స్పష్టం చేశారు.  

వైసీపీ నేతల కుట్రలకు ఇవే నిదర్శనమని చెప్పుకొచ్చారు. కోడెలది హత్యేనని ఆరోపిస్తున్న వైసీపీ నేతలు కోడెలది ఆత్మహత్యే అని ఫోరెన్సిక్‌ నివేదికలో ధ్రువీకరించారని దానిపై ఏం సమాధానం చెప్తారని నిలదీశారు. 

27 ఏళ్లు ఎమ్మెల్యేగా, 37 ఏళ్ల రాజకీయ జీవితం గడిపిన కోడెల ప్రాణాలను జగన్‌ ప్రభుత్వం, వైసీపీ నేతలే బలి తీసుకున్నారంటూ ఆగ్రహం వ్యక్తం చేశారు. కోడెల బలవన్మరణానికి వైసీపీ నేతలే బాధ్యత వహించాలని డిమాండ్ చేశారు. 

నరసరావుపేటలో తక్షణమే నిషేధాజ్ఞలు తొలగించాలని ప్రభుత్వాన్ని డిమాండ్ చేశారు.  మహానేత కోడెల అంత్యక్రియలకు పెద్దఎత్తున కార్యకర్తలు, పార్టీ నేతలు తరలివచ్చే అవకాశం ఉందని దాన్ని అడ్డుకునే ప్రయత్నం చేయోద్దని ప్రభుత్వాన్ని కోరారు మాజీమంత్రి యనమల రామకృష్ణుడు. 

ఈ వార్తలు కూడా చదవండి