రివర్స్ టెండరింగ్ అంటే ఉలుకెందుకు: చంద్రబాబుకు మంత్రి అనిల్ కౌంటర్

రివర్స్ టెండరింగ్ అంటే చంద్రబాబు నాయుడు ఎందుకు భయపడుతున్నారో చెప్పాలని నిలదీశారు. రివర్స్ టెండరింగ్ అంటే ఎందుకు చంద్రబాబు నాయుడు ఉలిక్కిపడుతున్నారని ప్రశ్నించారు.

నెల్లూరు: ఆంధ్రప్రదేశ్ వాసుల జీవనాడి పోలవరం ప్రాజెక్టు ను ఆపేశారంటూ తెలుగుదేశం పార్టీ అధినేత, మాజీ సీఎం చంద్రబాబు నాయుడు చేసిన ఆరోపణలపై ఆగ్రహం వ్యక్తం చేశారు ఏపీ ఇరిగేషన్ మినిస్టర్ అనిల్ కుమార్ యాదవ్. పోలవరం ప్రాజెక్టు ఆపేశామని చంద్రబాబు నాయుడు చెప్పడం హాస్యాస్పదమన్నారు.

రివర్స్ టెండరింగ్ అంటే చంద్రబాబు నాయుడు ఎందుకు భయపడుతున్నారో చెప్పాలని నిలదీశారు. రివర్స్ టెండరింగ్ అంటే ఎందుకు చంద్రబాబు నాయుడు ఉలిక్కిపడుతున్నారని ప్రశ్నించారు.

నవంబర్ నుంచి పనులు ప్రారంభిస్తామని పదేపదే చెప్తున్నా చంద్రబాబు నాయుడు మాత్రం పనులు ఆపేశామని ఆరోపించడం విడ్డూరంగా ఉందన్నారు. రివర్స్ టెండరింగ్ వల్ల ప్రభుత్వానికి రూ.50 కోట్ల రూపాయల మేర ఆదా అవుతుందని తెలిపారు. 

గత తెలుగుదేశం ప్రభుత్వం, నాటి సీఎం చంద్రబాబు నాయుడు టెండర్ల పేరుతో కోట్లాది రూపాయలను తన అనుచరులకు కట్టబెట్టారని ఆరోపించారు.ఇకపోతే పోలవరం ప్రాజెక్టు నిర్వాసితులకు సంబంధించి త్వరలోనే 25వేల ఇళ్లు నిర్మించనున్నట్లు మంత్రి అనిల్ కుమార్ యాదవ్ స్పష్టం చేశారు. 

ఈ వార్తలు కూడా చదవండి