బాలకృష్ణ వల్ల సెట్ లో వెక్కి వెక్కి ఏడ్చిన హీరోయిన్ ఎవరో తెలుసా? కారణం ఏంటంటే?
నందమూరి బాలకృష్ణ చేసిన ఓ పనికి.. సెట్ లోనే వెక్కి వెక్కి ఏడ్చింది ఓ హీరోయిన్. ఆ హీరోయిన్ ను బాలయ్య ఏమన్నారు. ఇంతకీ ఏడ్చిన ఆ స్టార్ హీరోయిన్ ఎవరు? ఆతరువాత బాలకృష్ణ ఏం చేశారో తెలుసా?
- FB
- TW
- Linkdin
Follow Us
 "Asianet Image")
టాలీవుడ్‌ స్టార్ హీరో నందమూరి బాలకృష్ణ క్రేజ్ గురించి ప్రత్యేకంగా చెప్పాల్సిన అవసరం లేదు. 65 ఏళ్ల వయసులోనూ వరుస సినిమాలతో ప్రేక్షకుల్ని అలరిస్తూ బాక్సాఫీస్ వద్ద విజయాలు సాధిస్తున్నారు. ఇటీవల ఆయన వరుసగా నాలుగు సినిమాలతో రూ.100 కోట్లకుపైగా వసూళ్లు రాబట్టి తన మార్క్ మళ్లీ నిరూపించారు.
ఇక ఇదే సమయంలో, ఒకప్పుడు టాలీవుడ్‌లో స్టార్ హీరోయిన్‌గా వెలుగొందిన లయ, ఇప్పుడు సినిమాల్లోకి మళ్లీ రీ ఎంట్రీ ఇస్తోంది. కొన్నేళ్లుగా ఇండస్ట్రీకి దూరంగా ఉన్న లయ, ప్రస్తుతం నటుడు నితిన్ హీరోగా నటిస్తున్న తమ్ముడు సినిమాలో కీలక పాత్రలో కనిపించనుంది. ఇందులో లయ, నితిన్‌కు అక్కగా నటించనుంది.
తాజాగా లయ ఓ ఇంటర్వ్యూలో పాల్గొని, తన గత సినిమాల అనుభవాల గురించి ఎన్నో విషయాలు వెల్లడించింది. ముఖ్యంగా నందమూరి బాలకృష్ణ గారితో తనకు జరిగిన ఒక సంఘటన గురించి ఆమె చెప్పిన విషయాలు వైరల్ అవుతున్నాయి. విజయేంద్రవర్మ సినిమాలో బాలకృష్ణతో కలిసి నటించిన సమయంలో జరిగిన సంఘటనను గుర్తు చేసుకుంది లయ:
లయ మాట్లాడుతూ ఒక సీన్ రిహార్సల్ చేస్తున్న సమయంలో నేను అనుకోకుండా బాలకృష్ణ గారి కాలు తొక్కేశాను. వెంటనే ఆయన సీరియస్ అవుతూ, నా కాలు తొక్కుతావా? ప్యాకప్.. ఈ అమ్మాయిని తీసేయండి’ అన్నారు. నాకు అప్పుడే ఏడుపొచ్చేసింది. అక్కడి నుంచే వెళ్లిపోయాను.
అయితే ఆ తరువాత బాలకృష్ణ గారు స్పందించిన విధానం నాకు బాగా నచ్చింది. బాలకృష్ణ గారు వెంటనే నవ్వుతూ, ‘అయ్యో, ఈ అమ్మాయి ఏడుస్తోంది.. నేనేదో సరదాగా అన్నాను, నిజంగా అనుకున్నావా? ఇలాంటివి కామన్ గా జరుగుతుంటాయని బుజ్జగించారని లయ వెల్లడించారు.
బాలయ్య బాబు సెట్‌లో చాలా సరదాగా ఉంటారని లయ చేసిన ఈ వ్యాఖ్యలు ప్రస్తుతం సోషల్ మీడియాలో వైరల్‌గా మారాయి. ఇక లయ రీ ఎంట్రీపై అభిమానులు సంతోషం వ్యక్తం చేస్తున్నారు. ‘తమ్ముడు’ సినిమాలో ఆమె పాత్ర ఎలా ఉంటుందనేది ఆసక్తికరంగా మారింది.
ఇక లయ నటనతో గతంలో ఎన్నో విజయవంతమైన సినిమాల్లో అలరించిన విషయం తెలిసిందే. గ్లామర్‌కు పెద్దగా ప్రాధాన్యత ఇవ్వకుండా, తన అభినయంతోనే ప్రేక్షకుల మనసులు గెలుచుకున్న లయ, సెకండ్ ఇన్నింగ్స్ లో ముందు ముందు ఎలాంటి పాత్రలు చేయబోతున్నారు అనేది చూడాలి.
